Алматы облысы бойынша Мемлекеттік кірістер департаментінің 29.09.2017 жылғы Ж-657 бұйрығы негізінде Нұржан Сатылханұлы Жұрынбаев Еңбекшіқазақ ауданы бойынша Мемлекеттік кірістер басқармасының басшысы қызметіне 2 қазаннан бастап тағайындалды.
Нұржан Жұрынбаев 1967 жылы 13 ақпанда Қарағанды облысы Шет ауданы Кеңшоқы ауылында туылған. Алматы халық шаруашылығы институтын «Саудадағы бухгалтерлік есеп және шаруашылық жұмысын талдау» және әл-Фараби атында-ғы ҚазҰУ-дың «Экономист-заңгер» мамандықтары бойынша тәмамда-ған. Еңбек жолын 1990 жылы Түрген ауылдық тұтынушылар бірлестігінің товароведі болып бастап, аудандық тұтынушылар бірлестігінің тауарлар бөлімінің товароведі, салық инспекциясының аға салық инспекторы, аудандық салық комитетінің аудит бөлімінің бастығы, салық комитеті төрағасының орынбасары болды. 2008 жылдан Еңбекшіқазақ, Қарасай, Талғар аудандары бойынша мемлекеттік кірістер басқармасы басшысының орынбасары қызметтерін атқарған. Осы жылдың қаңтарынан күні бүгінге дейін Еңбекшіқазақ ауданы бойын-ша мемлекеттік кірістер басқармасы басшысының орынбасары қызметтерін абыройлы атқарды.
