Жуырда №1 Рахат орта мектебінде аталмыш мектеп кітапханашысы Дариға Жанабилова мен аудан әкімі кітапханасының кітапханашысы Гулия Саурықованың ұйымдастыруымен Тұңғыш Президент күніне орай дөңгелек үстел өткізді. Елбасының өнегелі өмірін үлгі ете отырып, оқушылардың бойына елжандылықты дарытуды мақсат тұтқан жиын сыр-сұхбат түрінде өтті. Шәкірттер өзара сұрақ қойып, бір-бірлерінің білімдерін тексерді. Шара соңында:
– Елбасымыздың сарабдал саясатының арқасында бүгінде елімізді әлем танитын мемлекетке айналдық. Егемен ел болдық, өзіміздің мемлекеттік нышандарымыз бар. Сол тәуелсіздігіміздің туы мәңгі желбіреп тұруы өскелең ұрпақтың қолында, – деп қорытындылады кітапханашылар.
Ж.ЫСҚАҚ.
