Елбасының «Рухани жаңғыру» бағдарламасы аясында ұйымдастырылған «Қазақстанның 100 жаңа есімі» жобасы – түрлі салада жетістікке жетіп, жастар арасында көпке үлгі болып жүрген азаматтарды анықтады.

Алғашқы жылы, яғни, 2017-де 102 адам  «Қазақстанның 100 жаңа есімі» жобасында жеңімпаз атанған еді. 2018 жылғы 100 жаңа есімді 29 азамат құрады.

Өткен жылғы республикалық байқау «100 жаңа есім: табысты қазақстандықтардың тарихы» деген ұстаныммен өтті. Оған жалпы 1673 өтінім қабылданып, 2-ші кезеңде 700 мыңнан астам қазақстандық дауыс берген Ал 3-ші кезеңде әділ-қазылар отырысында қоғам, медицина, білім, ғылым, мәдениет, бизнес, спорт номинациялары бойынша 32 адам жеңімпаз атанды. Оның ішінде елімізді шетелде танытып жүрген жалынды жастардың қарасы қалың.

Бүкілхалықтық дауыс беру бойынша жүзден жүйрік шыққан азаматтар елге үлгі болуға лайық. Осы орайда, «100 жаңа есім» жобасының 2019 жылғы жеңімпаздары туралы ақпараттар газетіміздің әр нөмірінде жарық көретін болады.

Қуандық Қанатов

Семей қаласы 35411 әскери бөлімінің қызметшісі

Шығыс Қазақстан облысы

«Шығыс» өңірлік қолбасшылығының Семей қаласындағы Батыс әскери қалашығының 35411 әскери бөлі-мінің қызметшісі ефрейтор Қуандық Қанатов 2019 жылдың ақпан айында жанып жатқан үйдің тұрғындарын эвакуациялауға қатысып, Семей қаласының жатақханалардың бірінде болған өрттен 15 адамды құтқарып қалған.

Қызметі барысында өрт қауіпсіздігі бойынша алған біліктілігінің арқасында ерлік танытып, Қазақстан Республикасының наградасы – «Ерлігі үшін» медалімен марапатталған.

• Қазақстан Республикасының Қорғаныс Министрінің алғыс хаты;
• Қазақстан Республикасы Қарулы Күштері Құрлық әскерлері бас қол-басшысының бірінші орынбасарының мақтау қағазы;
• Семей қаласындағы Батыс әскери қалашығының 35411 әскери бөлімінің командирінен алғыс хат;
• Шығыс Қазақстан облысы Төтенше жағдайлар департаменті бастығының алғыс хаты;

Нұрбек Әлібек

Т.Жүргенов атындағы Қазақ Ұлттық Өнер академиясы

Нұр-сұлтан қаласы

 Ғ.Мүсірепов «Қыз Жібек» /мюзикл/ – Шеге (Қоюшы режиссер – Нұрқанат Жақыпбай, Қазақстанның еңбек сіңірген қайраткері);

Ж.Пило, О.Шультез «Моцарт» /мюзикл/ – Фридолин Вейбер (Қоюшы режиссер – Нұрқанат Жақыпбай, Қазақстанның еңбек сіңірген қайраткері);

Ә.Кекілбаев «Нартәуекел» /халықтық қаһармандық драмалық дастан/ – Ресей елшісі (Қоюшы режиссер – Нұрқанат Жақыпбай, Қазақстанның еңбек сіңірген қайраткері);

Ж.Сомжүрек «Тілеп–Сарықыз» /трагедия/ - Тортай (Тілептің досы) (Қоюшы режиссер – Нұрқанат Жақыпбай, Қазақстанның еңбек сіңірген қайраткері);

Д.Саламат – «Жаңа жылды кім ертіп келеді?» /ертегі/ Әтеш (Қоюшы режиссер – Бекболат Құрманғожаев, Қазақстан Республикасының еңбек сіңірген қайраткері);

Ж.Құлмамбетов «Жасауыл» /парабола/әфсана/ - Ер адам (Қоюшы режиссер – Бекболат Құрманғожаев, Қазақстан Республикасының еңбек сіңірген қайраткері);

Дж.Родари «Чиполлино» /ертегі/ Қызанақ (Қоюшы режиссер – Айнұр Рахипова);

Ж. Омар «Құлыншақ пен бөлтірік» /ертегі/ - Қасқыр(Қоюшы режиссер – Бекболат Құрманғожаев, Қазақстан Республикасының еңбек сіңірген қайраткері);

 Д.Урбан «Ірімшік құмар тышқандар» /ертегі/ - Альбин (Қоюшы режиссер – Нұрфат Вахитов, Қазақ мәдениетінің қайраткері).

Осындай рөлдерді сомдаған Әлібек Нұрбек күндіз қойылым қойса, бос уақытында қайырымды іспен айналысады. Ауыр дертке шалдыққан балалардың жанына дауа іздеуге көмектеседі.