Әлемді әбігерге салған коронавирус індеті елімізге де еніп, індет жұқтырғандар саны күн санап арту үстінде. Төтенше жағдай енгізіліп, жүріс-тұрыс шектелді. Бұл әсіресе әлеуметтік жағынан аз қамтылған отбасыларға қиын соғып отыр. Десе де оларға қол ұшын созып, қайырымдылық жасап жүрген еріктілер турасында сөз қозғамақ едік.

Биылғы жыл ел Президенті Қасым-Жомарт Тоқаевтың Жарлығымен Еріктілер жылы деп белгіленгені аян. Жастарды қайырым мен имандылыққа тәрбиелеу мақсатында белгіленген жыл аясында еріктілер тарапынан атқарылып жатқан істер шаш етектен.

 Ауданымызда иман жүректі жандар аз емес. Бұл игілікті істі ұйымдастырып, басы-қасында жүрген ерікті жас Қанат Теңгелбайұлы және оның жанында жүрген жастар сөзіміздің дәлелі.  Төтенше жағдай жарияланғалы аудан аумағында тұратын 25 отбасына 269000 теңге көлемінде азық-түлік алып беру арқылы көмек қолын созған. Қаржыны әлеуметтік желілерден эстафета ұйымдастыру арқылы жинаған. Қауіпті індеттен қорықпай көше кезіп азық-түлік таратып жүрген жастарға Алла жар болсын деген игі тілегімізді ақтардық біз де.

Әділет САРЫБАЙ.

****

Төтенше жағдайға байланысты аудан еріктілері «Біз біргеміз» акциясы аясында әлеуметтік желілер арқылы эстафета ұйымдастыруда. Арнайы ашылған қорға құйылған қаражатқа азық-түлік және медициналық заттар алынып, әлеуметтік жағынан аз қамтылған отбасыларға және көп балалы, жалғыз басты аналарға  көмек ретінде берілуде. Аз уақыт ішінде 47 отбасыға жалпы сомасы 580 мың теңгеге азық түлік пен медициналық бетперделер мен ансисептиктер таратылды. Ауданымыздың  белсенді жас-тары мен еріктілері көмек көрсетілген отбасылардың ақ батасын алуда. Аталмыш эстафета алдағы уақытта да өз жалғасын таппақ. Сонымен қатар, жақын арада тағы да 15 көмекке мұқтаж отбасыға көмек көрсетілмек. Аталған жанұялар 250 000 теңге көлемінде азық-түліктер мен медициналық қажетті жабдықтармен қамтамасыз етілмек.

 Арайлым БАҚБЕРГЕНҚЫЗЫ,

аудандық жастар ресурстық орталығының маманы.

****

В рамках инициированной Главой государства общереспубликанской акции «Біз біргеміз!» по поручению Елбасы партией «Nur Otan» и фондом Первого Президента были выделены средства на поддержку социально уязвимых слоев населения в период коронавируса.

А также в рамках объявления 2020 года «Годом волонтера», а также в целях поддержки и оказания социальной помощи семьям из числа малообеспеченных, одиноко проживающих пенсионеров, матерей-одиночек, молодежь села Жанашар не осталась в стороне провели очередную благотворительную акцию для  семей, оказавшихся в трудной  жизненной ситуации, обеспечив их продуктами питания первой необходимости. Выражаем особую благодарность нашей молодежи, и надеемся, что подобные акции будут иметь продолжение, найдутся еще инициативные неравнодушные люди, которые поддержат семьи, нуждающиеся в помощи других.

         Гулшат Лавьяева,

инструктор по молодежи

Жанашарского сельского округа.