Еңбекшіқазақ ауданы ішкі саясат бөлімінің қолдауымен «Білім және жаңа инновациялық технологиялар» орталығының ұйымдастыруымен бірлесе отырып сыбайлас жемқорлыққа қарсы үш түрлі байқау өткізді. «Сенің таңдауың» атты бейнежазба байқауы, «Жемқорлықсыз Қазақстан үшін біргеміз» атты жастар арасындағы сурет байқауы және «Саналы ұрпақ» атты эссе байқауы.
Әрбір мемлекеттің экономикалық тұрақтылығын сақтап қалуына, әлеуметтік дамуына кедергі келтіретін жағдайлар көптеп кездеседі. Соның бірі қоғамдық дертке айналған сыбайлас жемқорлық екені даусыз. «Жемқорлыққа жол жоқ» деп қоғам болып бірлесіп іс-шаралар өткізгенімізбен, оны түп-тамырымен жоюға қауқарымыз жетер емес. Алдымен сыбайлас жемқорлық қайдан шығатынын анықтап алумыз қажет. Өйткені бұның барлығын адамдар өз қолымен жасап отырғаны жасырын емес. Жемқорлықтың адамдар өміріне, қоғамның тыныс-тіршілігіне кері әсерін тигізіп жатқанын баяндау – парызымыз. Бейнежазбалар байқауын жариялаудың басты мақсаты да сыбайлас жемқорлықтың қоғамға тигізіп жатқан зардабын бейнежазба арқылы көрсетіп, жас ұрпақтың санасына жемқорлықтың салдары болашақтарына кері әсер ететінін жеткізу еді.
Жеңімпаздарды марапаттау салтанаты Еңбекшіқазақ аудандық әкімдігінде өтті. Комиссия шешімімен «Сенің таңдауың» атты бейнежазба байқауында 1-орын Бауыржан Алишер, 2-орын Құрманова Гүлім, 3-орын Оспан Раушан және Мақаш Айнаға бұйырды. «Жемқорлықсыз Қазақстан үшін біргеміз» атты сурет байқауында 1-орынды Серік Орынбасар, 2-орынды Нүсіпхан Арайлым, 3-орынды Мусаханова Айгүл алса, «Саналы ұрпақ» атты эссе байқауының қорытындысы бойынша 1-орын Тультебаева Айгерім, 2-орын Асыл Назерке, 3-орын Боранбаева Айгерімге бұйырды. Жеңімпаздарға смарт телефон, фитнес трекер және құлаққап сыйға берілді.
