Жақында аудан әкімінің бірінші орынбасары Айбек Бидаев ауданымыздағы спорт саласын дамытуға, салауатты өмір салтын насихаттауға қосқан үлес үшін Ерасыл Солтанғалиұлы мен бапкері Тахиржан Махмутовты Алғыс хаттармен марапаттады.

Спортшыларды қабылдау барысында Айбек Дүйсембекұлы спорттың адам өміріндегі, қоғам-дағы маңызына тоқталып өтті. Және де осы салада талмай еңбек етіп, жеңіл атлетикадан әлемдік додаларда ел намысын қоғап жүрген Ерасылға ризашылығын білдірді.

– Спорт – адамның серігі, денсаулық кепілі. Онымен айналысып қана қоймай, өзгелер-ге дәріптеу, сол саланың биік шыңына жету – екінің бірінің қолынан келмейтін игі іс. Жас болсаң да, осындай жетістіктерге жетіп, биіктен көрінгенің – бапкер еңбегінің жемісі – деп, Ерасылға табанды еңбек пен төккен тердің арқасында қол жеткізген «Спорт шебері» куәлігін табыстады.

Айта кетейік, Ерасыл Солтанғалиұлы 2000 жылы 12 мамырда туылған. 12 жасынан бастап спортқа бет бұрған. 2014 жылға дейін жүзумен айналысқан Ерасыл 6 жылдан бері жеңіл атлетикада өнер көрсетіп жүр. Жақында Ақтөбе қаласында өткен паралем-пиадалық ойындар барысында 1 орынды иеленіп, спорт шебері атағын қорғап шыққан. Ерасылдың бұған дейін де жеткен жетістіктері жетерлік. 2014 жылы Лондон қаласындағы чемпионатта ІІ орынды иеленген. Сондай-ақ, әлемдік бәсеке-лерде үздік бестіктің, елімізде де үздіктердің қатарында.

– «Армансыз адам – қанат-сыз құспен тең». Өзім келешекте әлемдік бәсекелерде топ жарып, еліміздің көк туын желбі-ретсем деп армандаймын және соған жету мақсатында еңбек-теніп жатырмыз – дейді Ерасыл.                       

С.НҰРАДИН