Биылғы күзгі ағаш отырғызу акциясына ауданымыз белсене атсалысуда. Өткен сенбіде жалғасын тапқан акцияға мәслихат депутаттары, мемлекет қызметкерлері, еріктілер және коммуналдық мекемелердің жұмысшылары қатысты.
Шара аясында аудан әкімдігінің ғимарат алдына жасыл шыршалар мен жас шыбықтар егілді. Сонымен қоса Есік қаласының босағасындағы арка маңына да 1000 түп раушан гүлі отырғызылды. Шараға қатысқан аудандық мәслихат хатшысы Бекет Ахметов жасыл желекті аудан құруға қарттардың кеңесі, жастардың жалынды күш-жігері керек екендігін айтты. Шара соңында аудандық әйелдер кеңесінің төрайымы Роза Исатаева жасыл орта жаратуға еңбек еткен жандарға ақ батасын беріп, жақсылықтар мен жас шыбықтардың қатар көктеуіне тілеулестік білдірді.
Ерзат АСЫЛ