14-16 мамыр күндері Алматы қаласында Балуан Шолақ спорт кешенінде дзюдодан жасөспірімдер мен жастар арасында Бекет Махмұтовты еске алуға арналған Азия кубогі өтті. Аталған құрлықтық додаға Қазақстан, Өзбекстан, Қырғызстан және Тәжікстаннан барлығы 400-ден астам дзюдошы қатысты.
Жастар 14 салмақ бойынша сынға түсті. Үш күнге созылған жарыс нәтижесінде жастар арасында өткен бәсекеде Қазақстан құрамасы үздік атанды. Отандық жас татами шеберлері 7 алтын, 11 күміс және 21 қола жүлде жеңіп алды. 6 алтын, 2 күміс және 6 қола жүлде иеленген Өзбекстан жастар құрамасы жалпы медаль кестесінде екінші болса, Қырғызстан құрамасы бір алтын медальмен үздік үштікті қорытындылады.
Бұл айтулы додада ауданымыздың алты спортшысы Қазақстан құрама командасы сапында өнер көрсетіп, жарыс нәтижесінде жөғары көрсеткішке қол жеткізді. Аян Байғазы (81 кг) бірінші орын алса, Диана Буркеева (48 кг) екіші орыннан көрінді. Мухаметали Мавлидов (90 кг) үшінші орын, Гузель Аюпова (48 кг) үшінші орын, Гүлжайна Бейсенова бесінші орын, Алпеш Изембай бесінші орын иеленді.

Есқалиева Гүлжан,
№1 Балалар мен жасөспірімдер спорт мектебінің әдіскері