9 қарашада Абу-Дабиде джиу-джитсудан өткен чемпионатта Ават ауылының 17 жастағы мектеп оқушысы Бақтияр Қахирман 66 келі салмақта әлем чемпионы атанған болатын. Осыған  орай  аудан әкімі Ә.Жақанбаевтың атынынан әкім орынбасары Бауыржан Бименов әлемдік  додада алтынан алқа таққан  Бақтияр Қахирманға Алғыс хат табыстады.

Әлібек Әскербекұлының жалынды сәлемін чемпион мен оның жақындарына жеткізген Бауыржан Мыныханұлы аудан әкімдігі тарапынан өңірлік спортты дамытуға игі қадамдар жасалып жатқанын, ауданымыздың мерейін үстем еткен спортшыларға барынша қолдау көресетілетінін айтты. Б.Бименов жас спорт шеберінің жеңісті жолын жалғастыруға  тілектестік  білдірді.

– Әрине, алтын жүлдеге қол жеткізу оңай болған жоқ. Ол үшін көп тер төктім. Алда ел үмітін ақтауға, бұдан да биік белестерді  бағындыруға  күш саламын, – дейді әлем чемпионы.

Е.АСЫЛ.