Ақши ауылдық округіндегі Бөлек батыр атындығы орта мектепте волейболдан спорт ардагері Нұрлан Көрпетаевты еске алу турнирі өтті.

Марқұмның үзеңгілес серіктері ұйымдастырған додаға 50 жастан  асқан ардагерлерден құралған  Жаркент пен Есік  қаласы, Шонжы ауданы, Шелек пен Ақши ауылдарынан 5 команда қатысты. Айбынды Әнұранмен басталған  ашылу салтанатында Қазақстан құрамасының бұрынғы мүшесі, спорт ардагері, волейболдан спорт шебері В.Бондаренков кубок табыстап, жарысқа қатысушыларға сәттілік тіледі. Бәсеке барысында қарсыластарына дес бермеген Жаркент қомандасы жеңімпаз атанды. Ал Шонжы ауданының спортшылары күміс жүлдені еншілесе, үшінші орынды Ақши ауылының  «Бірлес»командасы иеленді.

– Нұрлан Көрпетаев ауданымыздың ішкі істер саласында түрлі лауазымды қызметтер атқарды. Сонымен қоса, ол спортты да жанындай жақсы көретін. Көзі тірісінде ауданымызда көптеген волейбол командаларын жасақ-тап, олардың облыстық додаларда топ жаруына тер төкті. Бүгінгі жарысқа марқұмның жақын достары қатысты. Біз аталған жарысты ұйымдастыруға қолдау көрсеткен аудандық спорт бөлімінің басшысы Ерболат Сарабековке, Ақши ауылдық округінің әкімі Сабыржан Айтбаевқа  және мектеп директоры Гүлмира Жанпейісоваға айрықша алғыс айтамыз, – дейді жарыс ұйымдастырушысы Серік Ысқақов.

Е.АСЫЛ