Жұма, 10 Ақпан 2023 09:43

Әйелдер арасындағы облыстық чемпионат

Елімізде кейінгі жылдары әйелдер боксы айырықша қарқын алып келеді. Дамып жатқан бұл спорт түрінен әлемдік додаларда биіктен көрініп жатқан нәзік жандыларымыз бар. Жуырда Есік қаласындағы спорт кешенінде бокстан қыздар арасындағы облыстық чемпионат өтті. Бұл Алматы облысы жеке бөлінгелі алғашқы өткізілген облыстық жарыс болғанын айта кетейік.

Еңбекшіқазақ, Кеген, Райымбек, Іле, Қарасай, Талғар, Жамбыл аудандары және Қонаев қаласы қатысқан 4 күнге созылған сайыс аса тартысты болды. Былғары қолғап бәсекесінде бақтарын сынаған 102 спортшының бойынан жеңіске жету жолындағы қайсарлық пен болмыстарына сай өжеттілікке куә болдық. Жарыс жасөспірімдер арасында жас ерекшеліктеріне байланысты 3 деңгейге бөлінді. Сонымен қатар әйелдер арасында да салмақ бойынша бірнеше деңгейде жекпе-жектер өткізілді. Танымал спортпен шұғылданып жүрген, болашағынан үлкен үміт күттіретін жасөспірімдердің таланттары көпшілікті тәнті ете білді. Сондай-ақ 18 бен 40 жастағы әйелдер арасындағы сайыс та ерекше тартысқа толы болды. 30-дан асқан, отбасылы нәзік жандылар да жеңіс тұғырына көтерілді. Айта кететін тағы бір жайт – Африка құрлығы, Уганда мемлекеті Кампала қаласының тумасы Халықаралық дәрежедегі төреші Тузинде Поль жарысқа төрелік етті.

Аталған нәзік жандылар арасындағы облыстық бокс бәсекесінде командалық тұрғыда салыстырғанда Еңбекшіқазақ ауданы алға шықты. 1-ші орынды еншілеген жасөспірімдер көктем айында өтетін республикалық чемпионатқа жолдама алды, ол жерде жеңіске жеткен спортшы Азия чемпионатына қатысатын болады. Ал әйелдер арасында жеңімпаз атанған жандар наурыз айында Петропавл қаласында өтетін 4 жылда бір рет келетін бокстан әйелдер арасындағы республикалық  спартакиадада облысымыздың намысын қорғайтын болады.

Ринат НАРХАНОВ.

Оқылды 13581 рет

Соңғы жаңалықтар

Сәу 03, 2025

2025 год

Сәу 03, 2025

Закон

Сәу 03, 2025

Алматы облысында 23 мыңнан астам …

Ұрпақтың ұлы істермен айналысуы жеткіншек шақтағы қағидалардан басталады. Білім алған…
Сәу 03, 2025

Медициналық қалдықтарды жинау,…

Медициналық қалдықтарды (әрі қарай мәтін бойынша –МҚ) жинау, сақтау мен тасымалдауға…
Сәу 03, 2025

«А» вируыстық гепатиті, жұғу жолдары…

Вирустық гепатит «А» – бауырды зақымдайтын, вирустан туындайтын жіті жұқпалы…
Сәу 03, 2025

Балалар ойыншығын қалай таңдау керек

Әрбір ата-ана үшін бала денсаулығы бәрінен де жоғары. Балаға ойыншық таңдау ата-аналардан…
Сәу 03, 2025

Колледж түлектері жұмыссыз қалмайды

Облыс әкімінің орынбасары Р.Исатаевтың бекіткен кестесіне сәйкес, аудандық Мансап…

Күнтiзбе

« Сәуір 2025 »
Дс Сс Ср Бс Жм Сб. Жк
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет