Жуырда Өрікті ауылындағы Б.Майлин атындағы орта мектепте волейболдан ұлағатты ұстаз, еңбекқор, терең білімді, ақ көңіл, жұмсақ мінезді, адал жан Мукаев Омар Сәрсенбекұлын еске алу турнирі өтті.
Негізгі мақсат – ұстаздардың шеберлігін, ынтымағын, бір-біріне деген сыйластығын арттыра отырып, мектептердің арасындағы қарымқатынасты нығайту, келешек ұрпаққа қазақ халқының үлкенге құрмет, кішіге ізет, тарихқа тағылым дәстүрін жалғастыру.
Мектеп директоры Айгүл Мукаева және марқұмның ұлы Заңғар Омардың ұйымдастыруымен өткен байрақты бәсекеге 6 команда қатысып, волейболшылар тартысты ойын үлгісін көрсетті.
Нәтижесінде Азат-1 орта мектебінің спортшылары І орынды иеленді. О.Мухамадий атындағы орта мектебі ІІ орынға, Райымбек батыр атындағы орта мектеп ІІІ орынға жайғасты.
Шара соңында спортшылар арнайы жасалған дастарханнан дәм татып, марқұмның рухына құран бағышталды.
Өз тілшіміз.
