Жасөспірімдерді спортқа баулып, дені сау ұрпақ өсіру – мемлекет саясатының негізгі бағытының бірі.

Соған сай жуырда Шелек ауылында жаңадан бой көтерген Жақсылық  Үшкемпіров атындағы дене шынықтыру-сауықтыру кешенінде грек-рим

күресінен жасөспірімдер арасында республикалық   турнир өтті.

Осы күрес түрінен Мәскеу олимпиадасының жеңімпазы, әлем чемпионы, Қазақстан Республикасының Еңбек Ері атанып, спорттың  да, еңбек-тің  де шыңына айналған Жақ-сылық Үшкемпіровты еске алуға арналған жарысқа 12 команда, 200-дей жасөспірім балуандар боз кілемде бақ сынасты. Атап айтқанда, Алматы, Шымкент қаласы, Жетісу, Түркістан облысы, Жамбыл, Қарасай, Балқаш, Іле, Түрген, Райымбек, Кеген және Еңбек-шіқазақ аудандарының таң-даулы балуандары белдерін бекем буып, топқа түсті.

Турнирдің ашылу салтанатында ел Гимні орындалып, арнайы келген қонақтар – балуанның туыстары,  Грек-рим күресінен  әлем, Азия, халықаралық жарыстарда топ жарған балуандар, облыс, аудан әкімдігінің қызметкерлері, облыстық, аудандық мәслихат депутаттары мен белсенді азаматтар таныстырылды. Салта-натты жиында сөз алған облыс-тық «Аманат» партиясының төрағасы Қуат Байғоджаев, Алматы облысының құрметті азаматы Елеусіз Сұлтанғазиев  Жақсылықтың спортта қол жет-кізген жеңістері мен ел экономикасын өркендетуде өзіндік үлес қосқан ерен еңбегін тілге тиек етіп, жасөспірімдерге сәттілік тіледі.

Жеңіс күнінің қарсаңында, Жақсылық аталарының шық-қан шыңына бастайтын, үш күнге созылған кілем үстіндегі белдесудің  қорытындысы бойынша, салмақ дәрежесі бойынша жүлделі орындарды иеленген спортшыларға арнайы медальдар, алғыс хаттар және ақшалай сыйлықтар табысталды.

Анарбек МӨКІШҰЛЫ.