Қазақстан Республикасының Мемлекеттік хатшысы Қырымбек К шербаевтың т рағалығымен Жамбыл Жабаевтың 175 жылдық мерейтойын дайындау және ткізу ж ніндегі мемлекеттік комиссияның алғашқы отырысы тті, деп хабарлады Akorda.kz.
Мемлекет басшысы мерейтойлық іс-шаралардың жоғары ұйымдастырушылық жəне мазмұндық деңгейін қамтамасыз ету үшін «Жамбыл Жабаевтың 175 жылдық мерейтойын дайындау жəне өткізу жөніндегі мемлекеттік комиссия құру туралы» арнайы Жарлық қабылдағаны белгілі. Отырысты ашқан Мемлекеттік хатшы ұлы жырау, дала Гомері атанған Жамбыл Жабаевтың рухани мұралары əлемдік мəдениеттің алтын қорына енгенін атап өтті. Жамбыл Жабаев өзінің ғибратты ғұмырында адами қасиеттерді ардақтауды, Отанға деген іңкəрлікті жəне қарақылды қақ жарған əділеттілікті жырына арқау етіп өтті. Бүгінгі таңда оның шығармашылығы қоғамның рухани жаңғыруы жолында ерекше өзекті болып отыр. Қ.Көшербаев былтыр ұлы Абайдың 175 жылдық жəне Əл-Фара бидің 1150 жылдық мерейтойларын жоғары деңгейде лайықты атап өтілгеніне тоқталып, ұлы жыраудың мерейтойы да ұрпақтың санасына ұлағат болар тағылымдық жəне танымдық іс-шаралар арқылы жалғасатынын айтты. Отырыс барысында Мəдениет жəне спорт министрі А.Райымқұлованың, Алматы жəне Жамбыл облыстарының əкімдері А.Баталов пен Б.Сапарбаевтың, Қазақстан Жазушылар одағы басқармасының төрағасы Ұ.Есдəулеттің Жамбыл Жабаевтың 175 жылдығы аясында өткізуге жоспарланған іс-шаралар туралы ақпараттары тыңдалды. Талқылау қорытындысы бойынша мемлекеттік комиссия мерейтойлық іс-шаралардың жалпыреспубликалық жоспарын мақұлдап, бекітті. Мерейтойлық жыл ішінде республика бойынша 500-ге жуық əлеуметтік, имидждік, ғылыми, танымдық іс-шара өткізіледі. Бұдан бөлек, ақын өмірінен деректі фильм түсіру, өлеңдерінің жаңа жинақтарын шығару, айтыстар мен əдеби конкурстарды, кітап көрмелерін ұйымдастыру, мерейтойлық монета, пошта маркасын əзірлеу жəне басқа да шаралар өткізу көзделіп отыр. Мемлекеттік хатшы Үкіметке жалпыреспубликалық жоспардың сапалы орындалуын жəне мерейтойлық іс-шаралардың ақпараттық тұрғыдан жан-жақты сүйемелденуін қамтамасыз етуді тапсырды. Облыстардың, Нұр-Сұлтан, Алматы, Шымкент қала ларының əкімдеріне Жамбыл Жабаевтың мерейтойын мерекелеу жөніндегі өңірлік жоспарларды əзірлеп, бекітуді жəне олардың орындалуын қадағалауды міндеттеді.
