Көктөбе орта мектебінде «Алаштану, тәуелсіздік және поэзия» атты аймақтық жас ақындар мүшайрасы өтті.
Поэзия және оны дәріптеу арқылы «Ұлт ұстазы» атанған Ахмет Байтұрсыновтың баға жетпес мұрасын жан-жақты насихаттау, Алаш арысының өмір тарихын білуге, Отанын сүюге баулу, оқушылардың шығармашылық белсенділігі мен қызығушылығын дамыту мақсатында ұйымдастырылған жыр додасына 9 мектептен 10 оқушы қатысты. Мүшәйра ережесі бойынша 10 қатысушы тақырыпқа сай жазған өлеңдерін оқып, сұрақтарға жауап берді.Жас ақындардың өнерін арнайы әділқазылар алқасы бағалады. Мүшайра қорытындысы бойынша ІІІ орынға Рахат №1 орта мектеп оқушысы Н.Әбдіхамит, Р.Тоқатаев атындағы орта мектептің оқушысы С.Көптілеу және Бөлек батыр атындағы орта мектеп оқушысы Б.Нұрлан лайық деп танылды. ІІ орынды О.Жандосов атындағы орта мектеп оқушысы Ш.Ерсін мен Көктөбе орта мектебінің оқушысы А.Төленбай иеленді. Ал Райымбек батыр атындағы орта мектептің 9 сынып оқушысы А.Елтайдың шығармалары үздік деп танылып, І орынды қанжығалады.
Е.АСЫЛ
