Орда бұзар отыз жыл Тәуелсіздік алғалы,

Орда бұзар отыз жыл басыма бақ қонғалы.

Тарту етіп тәуелсіздік жолына

Әр бір ақын  жырын  ұзақ  толғады.

Орда бұзар отыз жыл Тәуелсіздік алғалы,

Арай шашты мәңгілігім таңдағы.

Бостандыққа қолы жетіп халқымның,

Бодандықтан құтылып, орындалды арманы.

Алдыменен тілім келді оралып,

Кетіп еді жат қолына  тоналып,

Ұлттық ішкі құдіреті ғана емес,

Өз тіліңді қадір тұтқын қолға алып.

Рухтанып, қайта оралды дәстүрім,

Таппайтындай енді тағат еш тыным.

Мен елім бар әлемге танылып,

Аспаныма шұғыласын шашты күн.

Менің елім – Мәңгілік ел мұратым,

Отанымның бет-беделі  қуатым.

Елім аман, жұртым тыныш болса егер,

Халқым  осы нұрлы жолын құратын.

Деп тілеймін баршамызға амандық,

Болсын бізге келген жаңа заман құт.

Тілім менен дінімізді сақтасақ,

Үйірілмейді басымызға жамандық.

Бәле-жала, апаттардан сақтасын,

Тірлігімді басқа жұрттар мақтасын.

Мәңгілік ел, күш-қуаты мықты боп,

Қақсын ұрпақ ғасырлардың қақпасын.

Емелхан ҚАЙЫПОВА,

Алтын алқалы Батыр ана.

Сарыбұлақ ауылы.