Сәрсенбі, 27 Мамыр 2020 10:42

АБАЙҒА МҰҚТАЖБЫЗ

АБАЙҒА МҰҚТАЖБЫЗ mezet.kz

Мәдениеттанушы, ақын Әуезхан Қодардың «Абай бізге мұқтаж емес, біз Абайға мұқтажбыз» дегені бар еді. Иә, шынымен де, Абайдың әр өлеңін оқыған сайын, оның тереңіне бойлай бересің. Ондағы ойды он оқығанда оның он қырын түсінесің, сезінесің. Бұл, ақынның өзі айтпақшы, «іші – алтын, сырты – күміс сөз жақсысы» болар деген ойға қаласың.

Абайдың әр шығармасы оқу-білімге шақырып, адами қасиеттерді, рухани тазалықты дәріптейді. «Бес нәрседен қашық бол, бес нәрсеге асық бол» деп, ақын оқырманына жол сілтесе, енді бірде «Қалың елім, қазағым, қайран жұртым. Ұстарасыз аузыңа түсті мұртың» деп, өткір сөзбен осып алады. Мұның бәрі еліне, халқына деген жанашырлықтан туған, әрине. Алайда бұл жанашырлықты кезінде түсінбеген көпшілік «сын», «мін тағу», «тырнақ астынан кір іздеудей» көрді. Дегенмен, жақсының аты өлмейді, ғалымның хаты өлмейді.

Биыл Президент Қ.Тоқаев Абай Құнанбайұлының 175 жылдық мерейтойын мерекелеу туралы Жарлыққа қол қойды. «Абай және ХХІ ғасырдағы Қазақстан» атты мақаласында Қасым-Жомарт Кемелұлы: «Абайды ұлтымыздың мәдени капиталы ретінде насихаттауымыз керек. Өркениетті елдер қазақтың болмыс-бітімін, мәдениеті мен әдебиетін, рухани өресін әлемдік деңгейдегі біртуар перзенттерінің дәрежесімен, танымалдығымен бағалайтынын ұмытпайық», – деген-ді.

 

Аружан БАҚТИЯР

 

Әрине, ұлыларын ұлықтау – ұлт парызы емес пе?! Осы орайда елімізде атқарылып жатқан шаруа аз емес. Бұл игі іске «Еңбекшіқазақ» қоғамдық-саяси апталығы мен mezet.kz желілік басылымы да өз үлесін қосып келеді. Солардың бірі – Абай оқулары байқауы. Ақынның өлеңдерін өскелең ұрпаққа дәріптеп, оқуға қызығушылығын ояту. Әрі өлеңнің мазмұнына мән беріп, қатысушыларды аңғарымпаздыққа баулу.

Айша ҒАБИДЕНҚЫЗЫ

 

Екі айға созылған байқауға қатысуға ауданымыздан ғана емес, жалпы, облыстан оқырмандар өтініш білдірді. Ақын өлеңдерін машығына келтіре мәнерлеп оқып, видео түсіріп жіберушілер көп болды. Дегенмен, сайыстың талаптарына сай таңдалған 61 үміткер келесі кезеңге өткен-ді. Байқауға қатысушылардан келіп түскен видеолар mezet.kz желілік басылымында және «Еңбекшіқазақ» газетінің әлеуметтік желілерінде жарияланды. Сол жерде дауыс жинап, қорытынды да шығарылды.

Сәбиден Мейрат

 

Алайда елімізде орын алған төтенше жағдайға байланысты жүлдегерлерді марапаттау салтанатын ұйымдастыру мүмкін болмады. Дегенмен, байқауға қатысып, өзгелерден оза шапқан 10 қатысушыны газеттің бас редакторы Хайролла Қасымұлы редакцияға жеке-жеке шақырып, жүлдесін табыстап, оқушылармен ой бөлісті. Абай жайында, әдебиет турасында сөз қозғап, ақ тілегін айтып, қатысушыларды қанаттандырды.

Шерхан ЕСЕН

 

Бас жүлдені Райымбек атындағы орта мектеп оқушысы Аружан Бақтияр алды. 7 сыныпты тәмамдаған Аружанға диплом мен естелікке Мұхттар Әуезовтың «Абай жолы» роман эпопеясы табысталды. Ал бірінші орынға шыққан Айша Ғабиденқызы – байқауымыздың ең кішкентай үміткері. Екінші орын Мейрат Сабиденге, үшінші орын Шерхан Есенге бұйырды. Ондыққа кірген барлық үміткерге диплом, Абай өлеңдері мен қара сөздерінің жинақтары табысталды. Сондай-ақ байқауға қатысқан 61 баланың барлығы Абай оқуларына қатысқаны үшін сертификатқа ие болды. Әрине, мұның бәрі балаларды ынталандырып, оқуға, білімге деген талпынысын арттыру үшін жасалып отыр. Абайды таныған әр оқырманның таным-түйсігі де тереңдей берері сөзсіз.

 

 

Құралай МҰРАТҚЫЗЫ

Оқылды 1592 рет

Медиа

mezet.kz

Соңғы жаңалықтар

Қар 26, 2025

Күймен өрілген ғұмыр

Нұра ауылында қазақ күй өнерінің көрнекті өкілі, Жетісу өңірінің күйшісі Омархан…
Қар 26, 2025

Бір тіл – бір әлем

Әр адам өзінің өмір жолын немен байланыстыратыны тек өз еркінде. Алдына мақсат қойып,…
Қар 26, 2025

Чемпиондық рух

 Саламатты өмір салты - адамның басты байлығы – денсаулықты күтуге, дұрыс өмір сүруге…
Қар 24, 2025

Ауыз су сапасына қойылатын талаптар

 Адам өмірінің басты тіршілік көзі — су. Су адам ағзасының шамамен 60–70%-ын құрайды және…
Қар 24, 2025

Терінің жұқпалы саңырауқұлақ аурулары

Терінің саңырауқұлақ аурулары – теріні, тырнақты және шашты зақымдайтын саңырауқұлақтан…
Қар 24, 2025

Мемлекеттік бақылау және қадағалау…

Мемлекеттік бақылау және қадағалау — қоғамдағы қауіпсіздік, сапа, құқықтық тәртіп және…
Қар 20, 2025

Тұрақтылықтың стратегиялық бағдары

Мемлекет басшысы Қасым-Жомарт Тоқаевтың «Қазақстан Республикасының ішкі саясатының…
Қар 19, 2025

Ғажайып дәрілерге сенеміз бе?

Соңғы жылдары Қазақстанда халық денсаулығын тез жақсартуды уәде ететін, түрлі атаумен…
Қар 19, 2025

Ғасырлар үні: Қазақ тілінің даму…

Тіл – ұлттың жаны, халықтың рухани өзегі. Ол ұлттың дүниетанымын, мәдениетін, тарихын…

Күнтiзбе

« Қараша 2025 »
Дс Сс Ср Бс Жм Сб. Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет