Кеңес Одағының еңбек сіңірген астроном ғалымы Николай Черных 1979 жылдың 31 шілде күні ашқан ғаламшарына (астероид, кіші планета) қазақтың атақты геологы Қаныш Сәтбаев есімін берген. Сонымен қатар ол 1979 жылы Марс пен Юпитер арасында қозғалып жүрген кіші ғаламшардың атын ұлы ақын Абай Құнанбайұлының есімімен атаған. "Абай ғаламшары" Халықаралық ғаламшарларды зерттеу орталығының каталогына 4466-шы болып тіркеліпті. Ол әр бес жыл, төрт күн сайын Күн жұлдызын бір мәрте айналып шығады. Черных тап осы жылы тағы бір кіші ғаламшарға "Қазақстания" деген атау қойған еді. "Қазақстания" ғаламшары Күнді 3 жыл 3 ай 10 күнде айналады.
Дереккөз: massaget.kz
