Бейбіт өмірде ғана береке бар. Сол себепті бабаларымыз  «Үй іші ала болса, кереге басы толған пәле болады», – деп тегін айтпаса керек. Өйткені орнықты қоғамның орнауы отбасынан басталады.

Жақында Ы.Алтынсарин атындағы орта мектеп-мектеп жанындағы интернатта жас өркеннің жайқалып өсуіне дем беру және отбасылық зорлық-зомбылықтың алдын алу мақсатында онлайын форматта «Адамгершілік рухани байлық» атты эссе, «Отбасы – бақыт мекенім» атты сурет байқауы өткізілді. Аталған шараларға мектеп мұғалімдері мен ата-аналар белсене қатысты. Шаралар аясында  өскелең ұрпақтың дұрыс тәрбие алып, қоғамдағы құқықтарының сақталуы жолында аянбай еңбек етудің маңыздылығы түсіндірілді. Балаларға қамқорлық жасау, баланың абыройы мен құқықтарын құрметтеу бұл тек мемлекеттің ғана емес, сонымен қатар ата-аналардың міндеті екені  айтылды. Сонымен бірге шара барысында ата-аналар мен отбасылық құндылықтырды қорғау және зорлық-зомбылықтың алдын алу туралы ой бөлісті. Ал интернат оқушылары өз жүректеріндегі отбасы бақыты жайлы қалам тербеп, көркем сурет салды.

Р.АЙТЕСОВА

Ы.Алтынсарин атындағы

орта мектеп-мектеп жанындағы

интернат тәрбиешісі