Елбасымыз Н.Назарбаев айтқан осынау сөзі – жанға жылу, жүрекке ерекше күш-қуат сыйлар сөз. Ал осы бір ұлы сөзге жан бітіріп келе жатқанымызға, міне, 29 жыл толды.

Тәуелсіздікке оңайшылықпен жеткен жоқпыз. Көзбен көрмегеніміз бен ұлылардың сөздерінен көңілге түйгеніміз осы. Ал осы бір оңайлықпен келмеген киелі ұғымды мәңгілікке сақтау ол мына біздің, жастардың қолында емес пе?

Біз үлкен жауапкершілік арқалап жүргенімізді ұмытпай, әрбір жан міндетін менталитетпен байланыстыра отырып, іс жасаса біз бабалар аманатын ардақтап, оны кейінгіге табыстай аламыз. Ал өзің иелік ете алмағанға балаң иелік ете алады деп ойлайсың ба? Алма ағашынан алысқа түспейді. Қысқасы, Тәуелсіздік күні  – той ойлайтын емес, нағыз ой ойлайтын күн. Бабалар аманатына адал болу – біздің басты парызымыз. Осыған орай Ы.Алтынсарин атындағы орта мектеп-мектеп жанындағы интернатымен және Қызылқазақ бастауыш мектебі бойынша Тәуелсіздік күніне орай жылдағы жоспар бойынша іс-шаралар ұйымдастырылуда. Атап айтсақ, сынып жетекшісі ретінде оқушылармен еліміздің тәуелсіздік алу жолындағы ата-бабаларымыздың ерлігін паш ету  мақсатында  тәрбие сағатын өткіздім. Сонымен қатар оқушылар «Тәуелсіз ел ұрпақтары» атты челлендж ұйымдастырды.   

Н.ҚЫСТАУОВА,

Ы.Алтынсарин атындағы орта мектеп-мектеп жанындағы интернатының мұғалімі