Тәуелсіздік – еліміздің басты мерекесі. Қазақстанның жаңа дәуірде қол жетгізген барлық табысының қайнар көзі – Тәуелсіздік. Еркіндікті бағалайтын мына дүниеде бұдан асқан асыл сөз бар ма екен?!

Бабаларымыз аңсаған бұл тәуелсіздіктің қадірін біз түсінуіміз қажет. Осы мақсатта Тәуелсіздік күні қарсаңында біздің Ы.Алтынсарин атындағы орта мектеп-мектеп жанындағы интернатта онлайн түрінде «Ұмытылмас желтоқсан», «Атамекен – алтын бесігім», «Желтоқсан туралы өлеңдер» атты тәрбие сағаттары өткізілді. Аталған тәрбие сағаттарында балалар патриоттық тақырыптағы әндерді  асқақтата шырқады. Тәуелсіздіктің тағылымы туралы тартымды эсселер жазды. Міне, солай жас ұрпақтың зердесіне тәуелсіздік ұғымы тіптен терең ұялай түсті.

А.РЫСБЕКОВА ,

Ы.Алтынсарин атындағы  орта мектеп-мектеп

жанындағы интернаттың тәрбиешісі