Биыл 2020 жылы дүниені дүр сілкіндірген  желтоқсан көтерілісіне 34 жыл болды. Ал егеменді еліміздің Тәуелсіздігін алғанына 29 жыл толды. Осы 29 жыл ішінде нарықтың қиын өткелдерінен аман шығып, дамудың даңғыл жолына түстік.

Тәуелсіздік – ұлы ұғым. Қуана отырып мұңаятын, мұңая отырып қуанатын ұлы мейрам. Тәуелсіздік мейрамы қарсаңын-да  Ы.Алтынсарин атындағы орта мектеп-мектеп жанындағы интернат оқушыларына ҚР Тәуелсіздік мерекесіне орай  «Тәуелсіздік – елімнің еркін жолы», деген тақырыпта бейне фильмдер көрсетіліп, «Желтоқсанда үзілген жауқазын»1986 жылғы 16 желтоқсан оқиғасына арналған тақырыптық сұхбат өткізілді.  Сонымен қоса,  мектебіміздің тарих пән мұғалімі Д.Шоманова  «Тәуелсіздіктің 7 қыры» деген тақырыпта  8-9 сынып арасында ZOOM платформасы арқылы «Кім білігір» сайыс сабағын өткізді. Қашықтықтан ұйымдастырылған іс-шараларға мектебіміздің оқушылары белсене қатысты. Олар аталған шаралар аясында тәуелсіздіктің тарихына терең үңілді. Тәуелсіздік мерекесі – бүкіл қазақ халқы үшін, барша қазақстандықтар үшін ерекше  мереке. Тәуелсіздігіміз мәңгілік болсын!

Жанар ДОСАНОВА

         қазақ тілі мұғалімі