Тәуелсіз бейбіт елде күн кешіп жатқанымызға жиырма тоғыз жыл көзді ашып-жұмғанша өте шықты. Ізінде сызы бар желтоқсанның ызғарлы да ызғырықты күнімен бірге келетін «Тәуелсіздік күні» мерекесін қашықтан атап өтуге мәжбүр болып отырмыз. Әрине, бұл өз денсауылығымыз бен амандығымыздың жолындағы мәжбүрлік.

Тәуелсіздік күнін әркім өз шама-шарқынша ұлықтап, кейінгі ұрпаққа бүгінгі күннің қадір-қасиетін бағалап, тарихымызда алтын әріптермен жазылуының сырын ұқтыруда. Осындай іс-шаралардың бірін Рахат №1 орта мектебінің кітапхана қызметкерлері де өткізуді жөн деп тапты. «Тәуелсіздік – тұғырың» атты кітап көрмесін жасап, оқырмандарға кеңінен насихаттау үшін онлайн форматта тәуелсіздік жолындағы күрестер жайлы, желтоқсан көтерілістеріне қатысты мағлұматтарды жіті таныстырды. Тәуелсіздігімізді өз өлеңіне арқау еткен ақындардың, шығармаларына тақырып еткен жазушылардың, басынан өткергенін баяндаған кейіпкерлердің  еңбектерімен таныстырып, шолу жасады.

Жанна БИЛОВА,

Рахат №1 орта мектеп кітапханашысы