Алматы облысында 12 жастан бастап тұрғындарды коронавирустық инфекциядан вакцинациялау жұмыстары жалғасуда. 2022 жылдың 28 қаңтарына қараған күні облыста вакцинаның бірінші компонентін - 929 552 адам, екінші компонентті – 861 974 азамат немесе иммундауға жататын ересек халықтың 72%-ы алды.
Сонымен қатар, Алматы облысында Комирнати вакцинасымен вакцинациялау жұмыстары жүргізілуде. Аталған екпемен вакцинацияланған халық саны 72 527 адамды құрайды, оның ішінде 58 694 жасөспірім, 3212 жүкті әйел, лактация кезеңінде 10 621 әйел, 60 жастан асқан 2031 адам және 1415 медицина қызметкері.
Сонымен қатар, 134 294 адам толық иммундау курсынан өтті.
Екпе жұмыстары қарқын алғанымен әліде індет жұқтыру дерегі тіркелуде. Соңғы тәулікте КВИ 455 жағдайы анықталды. Бір күннің ішінде аймақтағы 14 жасқа дейінгі балалардың 130-ы кеселге шалдыққан. Сонымен қатар, 80 оқушы, 8 студент пен 10 ұстаздан коронавирус табылған.
JETISÝ MEDIA
