Бүгінгі күні ересектер мен балалар арасында  «D» дәрумені тапшылығы мен жеткіліксіздігі жиі кездеседі. Оның себептері ультракүлгін сәулелердің жеткіліксіз әсер етуі, ауаның ластануы, тағамның құрамындағы осы заттардың жеткіліксіз болуынан адам ағзасында пайдалы дәруменнің тапшылығы пайда болады.

       Мектеп жасына дейінгі балалар мен мектеп оқушыларындағы оқу кезінде тез шаршау, ашуланшақтық, әлсіздік, апатия, тәбеттің нашарлауы, дене салмағының төмендеуі, терінің құрғауы  т.б белгілері  байқалады.   

        «D» дәруменінің жетіспеушілігінің алдын алу шаралары: ағзадағы «D» дәруменінің деңгейін арттырудың ең қарапайым әрі табиғи әдісі – күннің астында көбірек жүру. Күн сәулесінің ваннасын қабылдау керек, оны қабылдаудың  ең аз уақыты ертеңгі сағат 11 ден бастап түскі  сағат 14 дейінгі аралықта 20-30 минутты құрап отыруы тиіс. Егер күннің астында жүруге мүмкіндік болмаса, солярийді қолдануға болады. Ультракүлгін шамдарының сәулелері  ультракүлгін сәуленің тапшылығын жартылай толтырады.  Алайда солярийді ем ретінде шамадан тыс мөлшерде пайдалану терінің мерзімінен бұрын қартаюын, қара дақтардың және мелономаның пайда болуын тудыруы мүмкін.

      «D» дәруменінің адам ағзасындағы толықтырудың тағы бір жолы, ол тағам арқылы.  Атап айтар болсақ  «D» дәрумені  келесі өнімдердің құрамында бар: балық майы, құнысбалық басқада майлы балықтар, қара уылдырық, жұмыртқаның сарыуызы, ешкінің сүті, қатқыл ірімшіктер.

      Өкінішке орай біздің тіршілік салтымыз астағы пайдалы заттардың көлемін қадағалап және теңгерімделген рацион құрастырып отыруға әрдайым мүмкіндік бере бермейді, мұндай  жағдайда тек сан-алуан түрлі дәрумендер кешенін қабылдап, ағзаны  «D» дәруменімен толықтырып отыруға болады.

                                           Еңбекшіқазақ аудандық СЭББ басшысының 

  орынбасары Д. Бақберген