Пиротехникалық бұйымдарды  (фейерверктер, отшашулар, жарық беру және дыбыстық эффектілер жасайтын құрылғылар) дұрыс пайдаланылған кезде қызықты және әсерлі болуы мүмкін, бірақ оларды дұрыс қолданбау немесе қауіпсіздік талаптарын бұзу апаттарға, өрттерге және жарақаттарға әкелуі мүмкін.

       Пиротехниканың негізін жанғыш заттар құрайды, бұл құрамдар тез тұтанады және тез жанады.  Бұл төмен қуатты жарылғыш заттар, сондықтан сіз ойлағандай мүлдем қауіпсіз емес.  Бірақ көп жағдайда жазатайым оқиғалар отшашулар мен салюттерді пайдаланудың қарапайым қауіпсіздік талаптарын сақтамау нәтижесінде орын алады.  Өнімнің қолда не болмаса адамнан жақын жерде жарылуы өлімге әкелмейді, бірақ ауыр жарақатқа әкелуі мүмкін.

       Осының алдын алу мақсатында төмендегідей қауіпсіздік ережелерін қатаң сақтаған жөн:

-Кәмелекте толмаған балаларға жарылғыш заттарды өз бетімен қолдануына жол бермеуді;

-Отшашулар мен пиротехникалық бұйымдарды балалардың қолы жетпейтін жерде сақтап,  өнімді қалтаға салып алып жүрмеуді;

-Егер өнім тұтанбай не ұшпай қалса оның себебін бірден анықтамай, 10 минуттай күтіп, содан кейін сумен мұқият құйып, қоқысқа тастаңыз.

- Пиротехникалық бұйымдарды  қолдану кезінде оларды мейлінше алшақ ұстауды;

- Пиротехникалық бұйымдарды тек арнайы белгіленген орындарда және оқшауланған жерлерде қолдануды. Қатты жел, жауын-шашын немесе басқа да ауа райы жағдайларында пиротехниканы қолданбауды;

 - Пиротехникалық бұйымдар жоғары температурамен жұмыс істейтіндіктен, оларды өртке қарсы қауіпсіздік шаралары бар жерлерде пайдалану қажет.

  - Пиротехникалық бұйымдарды қолдану кезінде алғашқы көмек көрсету құралдары (су, құм, өрт сөндіргіш құралдар) қол жетімді жерде болу керек.

- Пиротехникалық өнімдерді тек білікті мамандар немесе заңды тұлғалар қолдануы тиіс.  Олар қауіпсіздікті қамтамасыз ету үшін арнайы дайындықтан өтуі керек.

Пиротехникалық өнімнің сапасына қойлатын талаптарды назарда ұстаңыз:

- Пиротехникалық бұйымдар тек сертификатталған және осы өнім түрлеріне қойылатын арнайы стандарттарға сай болуы керек. Бұл пиротехникалық өнімдердің сапасы мен қауіпсіздік талаптарына сәйкес келетіндігіне кепілдік береді.

- Әрбір пиротехникалық бұйымға мемлекеттік немес орыс тілде жазылған арнайы қолдану нұсқаулығы мен қауіпсіздік ережелері қоса беріледі. Бұл нұсқаулықтарды оқып, талаптарды орындау өте маңызды.

    Жалпы, пиротехникалық бұйымдарды қолдану кезінде қауіпсіздік шараларын сақтау адамдардың өмірі мен денсаулығын қорғауға көмектеседі және жазатайым оқиғалардың алдын алады.

   Қарапайым ережелерді сақтай отырып, мерекелерді көңілді және қауіпсіз өткузіге болады.

Еңбекшіқазақ аудандық СЭББ басшысы М.Азербаев