«Біз көшке ілесетін емес, көшті бастайтын елдер қатарында болуымыз керек», – деді мемлекет басшысы Қ.Тоқаев. Сондықтан да ғылымды дамыту ісі төмендеп кеткен кезеңдегі олқылықтардың орнын толтыру үшін бұл салаға зор назар аударылуда. Бұл бағыттағы маңызды қадам білікті кадрлар даярлау үшін жас мамандарға жан-жақты жағдай жасау ісі қолға алынғаны қуантады. Жуырда ғана Президентіміздің бір топ жас ғалымдарға пәтер кілтін тапсыруы сөзіміздің айқын айғағы. Х.Ахметжанов.

Мемлекеттік рәміздер еліміздің бетке ұстар құжаты сияқты бірегей негіздері мен салт-дәстүрін айқындап көрсетеді. Мемлекеттік рәміздер мәдениетіміз, тарихымыз бен менталитетіміздің көркем туындысы болуы керек. Мемлекеттік рәміз бойынша елімізді тануға және оны бүкіл әлемге танытуға болады, өйткені онда халқымыздың бүкіл бастан кешкен тарихы, бүтіндей мәдениеті жатыр, сондықтан ол отансүйгіштік сезімнің бастау көзі бола алады. 1992 жылдың 4 маусымы Қазақстан Республикасының рәміздері бекітілген күн болып тарихта қалды. Мемлекетіміздің Елтаңбасы қазақ тіліне аударғанда, ол «таңба», «белгі», тіпті «мұра» деген мағына береді. Бұл термин ежелгі…