Сенбі, 04 Мамыр 2024 13:24

Шұғыл шешімнің басшысы болған

Заманбек Қалабайұлы Нұрқаділовті замандастары да, кейінгі ұрпақ өкілдері де спорт тілімен айтқанда ауыр салмақтағы саясаткерлер қатарына жатқызатын. Ол кісіні көзіммен көріп қана қоймай, тілдесу мүмкіндігі және Алматы облысының әкімі лауазымын атқарып жүрген кезеңде  қолынан Құрмет грамотасын алу бақыты бұйырды. Елінің, халқының жай-күйін, тұрмыс деңгейінің көтерілуін, ұйымдастырушылық қабілеті зор басқарушы ретінде танылған З.Нұрқаділовтің қазақ қоғамының әр мүшесінің де, елге қызмет етіп жүрген әр саланың да кем-кетігін жіті бақылап, жедел шешім қабылдайтын басшы екенінің айғағы ретінде санау  2000-ы жылғы  маусым айының соңында болған бір көріністі келтіре кетейін.

28 маусымда Баспасөз күні облыс әкімі З.Қ.Нұрқаділов ақпарат тарату саласы қызметкерлерінің өкілдерін қабылдап, биік жетістіктерге жеткен журналистерді марапаттап, құттықта-ғаннан кейін бәрімізге қарата: «Кетіп қалмаңыздар, кәсіби мерекелеріңізді бір шәугім шәйдің аясында отырып атап өтейік. Мен де кезек күттірмейтін жұмыс-тарымды бітіріп, сіздерге қосыламын», – деп кабинетінен шығарып салды.

Бірімізді біріміз құттықтап журналис-тер қауымы біршама отырып қалсақ керек, ашық даусымен сәлем жолдай Зәкең де кіріп келді. Мен дастарханда елімізге белгілі  фото-журналист Нұр-мамбет Қизатовпен қатар отырған едім. Заманбек Қалабайұлы үстел үстін бір шолып өтіп:

– Жібек, мына дастарханға қойыл-ған шөп-шалаң мен бала-шағаға арналған сусын журналистер ішіп-жейтін дүниелер емес қой, бар жылы-жұмсақтарыңды, ащы-тұщыларыңды шығарыңдар бері, – деп өзінің орынбасары Ж.Әмірхановқа бұйыра сөйледі.

Енді бір сәтте Н.Қизатовтың фотоаппаратына көзі түсті де, сөзге тартайын деді ме екен:

– Иә, Нұреке, фотосуреттеріңізді көріп жүрмін. Шебердің қолынан шық-қан өнер туындысы десе болады. Бірақ фотоаппаратың бұрынғы кеңестік заманның бұйымына ұқсайды екен, – деуі мұң екен, сөзге шебер Нұрмамбет Қизатов бірден әңгімені бүйірден қойды:

– Заманбек Қалабайұлы, «Жетісу» газеті әлі күнге  моральдық жағынан тозған аппаратурамен жұмыс істеп жатыр.

– Ал бүгінгі күннің талабына сай фотаппарат қанша тұрады? – деп сұрақ қойды Зәкең.

– Енді ең арзан дегені екі-үш мың-ның маңайында ғой, – деп Қизатов күмілжің кіреді.

 – Қымбат, арзан деп сұрап тұрғаным жоқ, сапалы сурет шығаратын дұрыс фотоаппарат қанша тұрады? – деп сұрақты тікесінен қойды облыс әкімі З.Нұрқаділов.

– Бес мың, – деп Қизатов та керегін нақтылап айтты. 

Заманбек Қалабайұлы көмекшісін шақырып алып, «Жетісу» газетінің тіл-шісіне таңдаған фотоаппарат  алып берілетін болсын», – деп тапсырды.

– Сөйтіп, ең соңғы маркалы фотоаппаратпен жұмыс істейтін болдым, – деп еске алып отыратын Н.Қизатов.

З.Нұрқаділовтің Еңбекшіқазақ ауданы елді мекендерін, шаруа қожалық-тарын аралағанда, басқа да өндіріс нысандарында болғанда, ең алдымен қоятын сұрағы: «Өнім  өндіру үшін не жетіспейді?». Осы сұрақты  анық-таған соң мәселені бірден шешуді қабылдайтын қасиеті елге мәлім.

Төмендегі суретте осындай бір жүге-рі егістерінің басындағы сол кездегі аудан әкімі Құдайберген Орынбетовпен, шаруашылық басшыларымен кездесу сәті бейнеленген.

 

Х.Ахметжанов,

«Еңбекшіқазақ» газетінің бас

редакторы.

Оқылды 944 рет
Осы категориядағы басқа материалдар: « Жақсының аты өлмейді

Соңғы жаңалықтар

Маус 14, 2024

Преодоление. Пять лет созидания

Касым-Жомарт Токаев, подлинный интеллектуал, искусный дипломат и эффективный…
Маус 13, 2024

Реформаның үштағаны: жасампаздық пен…

Барша қауымға белгілі, жалпы жұртқа жария бір ақиқат бар. Еліміз кейінгі бес жылдың…
Маус 13, 2024

145 юных гениев: Алматинская область…

Инвестиции в будущее: 145 школьников получили награды за достижения на международных и…
Маус 13, 2024

Құрбандық шалу – ежелгі салт

Күллі мұсылман қауымы зор құлшылықпен Һәм құрметпен атап өтетін діни мерекелердің бірі –…
Маус 13, 2024

Тынымбике ТӨЛЕУБАЕВА: Салаға реформа…

Дәрігерлік – мәңгілік мамандық болып есептеледі. Қызығы көп қызметтің қаншалықты…
Маус 13, 2024

ПМСП – основа здравоохранения

Одной из главных целей Национального проекта модернизации здравоохранения РК –…
Маус 13, 2024

Ізгі іс абырой әкеледі

Ауырған адамды емдеп, сырқатынан айықтыру – расында, нағыз бақыт, ерен еңбек. Ақ халатты…
Маус 12, 2024

«Наша семья нашла свое счастье на…

О большой уникальной семье кандасов из Монголии мне рассказали в Жамбылском районном…
Маус 08, 2024

ОБЩЕНАЦИОНАЛЬНАЯ ЭКОЛОГИЧЕСКАЯ АКЦИЯ

ТАЗА ҚАЗАҚСТАН - это акция, направленная на очистку от мусора загрязненных территорий,…

Күнтiзбе

« Маусым 2024 »
Дс Сс Ср Бс Жм Сб. Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет