Баға бағамы шарықтаған тұста коммуналдық қызмет саласындағы тариф құнының тұрақты болуы көңіл қуантады. 2020 жылдың 1 сәуірінен бастап 2020 жылдың 30 маусымына дейінгі аралықта ҚР төтенше жағдай кезеңінде 13 табиғи монополиялар субъектілері халық үшін тарифтерді төмендетті, бұл ретте сумен жабдықтау және су бұру қызметтеріне 4 табиғи монополиялар субъектілері және жылумен жабдықтау және ыстық сумен жабдықтау қызметтері бойынша 4 табиғи монополиялар субъектілері 3-тен 10% - ға дейін төмендеді.Бұл туралы «Jetisy Media ақпараттық алаңында өткен баспасөз-мәслихатында мәлім болды.
Газбен қамтамасыз ететін 4 кәсіпорынның тарифі 0,8-ден 1,7% - ға дейін түссе, "Жетысу Энерготрейд" ЖШС электр энергиясының құнын 2,9% - ға азайтты.
«ТМС-ның инвестициялық бағдарламалардың орындалуы және тарифтік сметалардың орындалуы туралы есептерін талдау нәтижелері бойынша тұтынушылардың құқықтарын қорғау мақсатында Департаменттің 44 бұйрығы бойынша тұтынушылардан негізсіз алынған табыстың жалпы сомасы 1 211 001,84 мың теңгеге, оның ішінде инвестициялық бағдарламалар бойынша 115 013,52 мың теңгеге және тарифтік сметалардың орындалу есептері бойынша 1 095 988,32 мың теңгеге уақытша өтемдік тарифтер (бұдан әрі- УӨТ) енгізілдіОсы жұмыстың нәтижесінде тарифтердің төмендеуі 0,17-ден 20,47%-ға дейін құрады»,- дейді Табиғи монополияларды реттеу комитетінің Алматы облысы бойынша департаментінің басшысының орынбасары Думан Қалибеков.
Талдықорған және Алматы өңірлерін энергиямен жабдықтау үшін электр энергиясының орташа тарифінің "халық" тобы үшін тиісінше 3 және 7,9% - ға көтерілгеніне қарамастан, ол өзгерген жоқ.
Сонымен қатар, табиғи монополиялар туралы заңнаманың сақталуын бақылау бойынша елеулі жұмыс жүргізілуде. 2020 жылы 40 әкімшілік құқық бұзушылық туралы іс қозғалды. Салынған айыппұлдардың жалпы сомасы – 10 010 565 теңгені құрады. Әкімшілік құқық бұзушылық туралы 7 хаттама сотқа қарау үшін жіберілді.
Айта кетейік, Мемлекет басшысы мен ҚР Үкіметінің тапсырмаларын орындау аясында Департаментпен 2021 жылдың соңына дейін базалық субъектілердің «халық» санаты үшін жылумен, сумен жабдықтау, су бұру, газдандыру және электр энергиясын тасымалдау қызметтеріне тарифтер өскен жоқ, яғни 2020 жылдың төңірегінде қалады.
Айта кететін тағы бір мәселе, «Жетісу Энерготрейд» ЖШС-гі ағымдағы жылдың 1 қаңтарынан бастап, барлық топ санаттары үшін тарифті 1,1% пайызға дейін өз еркімен төмендетті.