Азаматтардың көпшілігі нығайған билікті жемқорлық ауруына қарсы рецепт ретінде қарастырып, саяси ерік-жігері болған жағдайда бұл құбылысты бірден жеңуге қабілетті деп санайтынын атап өтуге болады. Бұл ретте, мықты мемлекетке үміттене отырып, көбі азаматтық қоғам институттары арқылы жағдайға әсер ете алатынына сенбей, сыбайлас жемқорлыққа қарсы күреске қатысу мүмкіндігін қарастырмайды.

Әлемдік ауқымдағы осы қылмыстық құқық мәселесінің айқын мысалы 1999 жылғы 27 қаңтарда қабылданған «Сыбайлас жемқорлық үшін қылмыстық жауапкершілік туралы» Еуропа кеңесінің конвенциясын қабылдау болып табылады. Республикамызда «Сыбайлас жемқорлыққа қарсы күрес туралы» 1998 жылғы 2 шілдедегі Қазақстан Республикасының Заңы бар.

Қазақстан Президенті  Қасым-Жомарт Тоқаев Қазақстан сыбайлас жемқорлыққа қарсы күресте әлемдегі жетекші орындардың бірінде екенін мәлімдеді. Сондай-ақ ол соңғы уақытта Қазақстан сыбайлас жемқорлық үшін тым жоғары лауазымдарды атқарған адамдар жазаға тартылғанын атап өтті.

Ақпараттық деректердің пайымынша, Қазақстан рейтингте Габон, Непал, Қырғыстан және Ливан сияқты елдермен бір орында тұрып, 180-нен 124 орынды иеленген.

Сыбайлас жемқорлыққа қарсы күресті жақсарту мақсатында елімізде Сыбайлас жемқорлыққа қарсы іс-қимыл ұлттық бюросы құрылды. Оның басты міндеттері сыбайлас жемқорлық қылмыстарын анықтау, болдырмау, жолын кесу, ашу және тергеу болып табылады.

Сыбайлас жемқорлық әлеуметтік-экономикалық дамуға, нарықтық эканомика құруға, инвестиция тартуға кедергі келтіреді, демократиялық мемлекеттің саяси һәм қоғамдық институттарына теріс әсер етеді, елдің болашағына елеулі қатер төндіреді. 

Е.Әбдрахпан,

Еңбекшіқазақ аудандық №2  аудандық сотының

аға сот приставы