«Сарыозек сервис»ЖШС-ның қолдауымен «Рухани Жаңғыру» бағдарламасының «Туған жер» жобасы аясында Рахат ауылдық округіне қарасты саяжайда балалар ойын алаңы пайдалануға берілді.
Саяжай тұрғындарын қуанышқа бөлеген алаңның ашылу салтанаты желтоқсаның 8-і күні өтті. Қызылды-жасылды шарлармен, жалаушалармен безендірілген алаң балақайлар мен ата-аналарға, ардагерлер және ауыл тұрғындарына лық толды. Халықтың салматты өмір салтын қалыптастырып және олардың бос уақытын тиімді ұйымдастыруды мақсат еткен заманауи алаңда балаларға арналып әткеншектер, сырғанақ, өрмелеуіш, төбесі жабылған ойын құрылғылары орнатылған.
Алдымен саяжай тұрғындарын бұл қуанышты сәтпен аудан әкімі Қуанышбек Қашқымбаев құтықтап, жаңа алаңның алқызыл лентасын қиды. Бұдан кейін, қуанышқа ортақтасып келген ауыл тұрғындары балаларымен ойын алаңына алғашқы қадамдарын жасап, алаңның маңы мәре – сәре болды. Игілікті істің қасынан табылған жандарға ойын алаңында ойнақ салған бүлдіршіндер де дән риза. Биылғы ауданымыз бойынша Алматы қаласының Әуезов және Алмалы ауданы әкімінің арасында қол қойылған меморандум келісім шеңберінде Есік қаласы, Тескенсу, Рахат, Қаракемер, Шелек ауылық окруктерінде 35 балалар ойын алаңы пайдалануға берілді. Жылдың аяғына дейін әлеуметтік жауапкершілік аясында «Гидросервис» ЖШС мердігер компаниясының қолдуымен жалпы сомасы 10 миллион теңгеден асатын екі жаңа ойын алаңы Есік қаласында бой көтермек.
Ерзат АСЫЛ