Жарқырап жайна наурызым,

Қабағы қастың түңілсін.

Береке, байлық, дәм-тұзым

Халқыма мәңгі бұйырсын.

Берекелі ас болсын,

Ақ мол болсын.

Елге берсін, жерге берсін,

Алла нұр берсін!

Дәулетіміз ассын,

Басымызға бас қосылсын.

Кеңпейіл, кетпес дәулет берсін!

Наурыз мерекесі жүрегімізді нұрландырып,

Жанұямызға тыныштық пен қуаныш әкелсін.

Алла халқымыздың ынтымағын,

Жеріміздің бүтіндігін,

Тіліміздің ғұмырын,

Тәуелсіздігіміздің баяндылығын берсін!

Алла берсін амандық,

Саналы ұрпақ пенен салиқалы кәрілік берсін,  Алла.

Түбіменен жойылсын

Жауыздық пен жалғандық.

Оңға бассын ісіміз,

Ұл-қыздарымыз желпілдеп.

Желбіресін мәңгілік

Тәуелсіздік көк туы!

Алладан рақым,

Пайғамбардан шапағат келсін!

Алла Тағала келер жылдың Наурыз мерекесіне аман-есен жеткізуге жазсын!