Бүгін «Nur Otan» партиясы Еңбекшіқазақ аудандық партия филиалының ХХІІІ есеп беру-сайлау конференциясы өтті.
Конференция жұмысына «Nur Otan» партиясы Алматы облыстық партия филиалы төрағасының бірінші орынбасары, облыстық мәслихат депутаты, облыстық Саяси кеңес мүшесі Гүлнар Тойлыбаева, Еңбекшіқазақ ауданының әкімі Әлібек Жақанбаев, аудандық БПҰ-дан 178 делегат (онлайн), сондай-ақ делегат емес аудандық мекеме, бөлім басшылары, этно-мәдени орталық өкілдері, үкіметтік емес ұйым өкілдері мен «Jas Otan» жастар қанатының мүшелері, БАҚ өкілдері қатысты.
Ашық дауыс беру негізінде конференцияның жұмысшы органдары: Мандат комиссиясы, Санақ комиссиясы, Конференцияның хатшылығы сайланды. Модератор, аудандық партия филиалы төрағасының бірінші орынбасары Қуат Байғоджаев күн тәртібіндегі мәселелерге тоқталып өтті.
Күн тәртібіндегі бірінші мәселе бойынша «Nur Otan» партиясы Алматы облыстық филиалы төрағасының бірінші орынбасары Гүлнар Тойлыбаева сөз сөйлеп, Еңбекшіқазақ аудандық партия филиалының төрағасы ретінде аудан әкімі Әлібек Жақанбаевты ұсынды. Саяси кеңес мүшелері бірауыздан қолдап, дауыс берді. Еңбекшіқазақ аудандық партия филиалының 2019-2020 жылдарында атқарылған жұмысы туралы Қуат Байғоджаев баяндама жасады. сондай-ақ конференция барысында Еңбекшіқазақ аудандық партия филиалының Саяси кеңес мүшелері сайланып, Алматы облыстық партия филиалының ХXVIII есеп беру-сайлау Конференциясына делегаттар құрамы бекітілді. Күн тәртібіндегі мәселелер бойынша тиісті қаулылар қабылданды.
Құралай МҰРАТҚЫЗЫ
