Бейсенбі, 05 Тамыз 2021 10:09

Сайланған әкімдерге куәліктер табысталды

 

«Қазақстан Республикасындағы сайлау туралы» Конституциялық Заңының 45-бабына сәйкес 2021 жылғы 25 шілдедегі шешімімен сол күні ауданымыздың Ақши, Балтабай, Бәйдібек би, Қазақстан, Қаражота, Масақ, Бәйтерек, Бартоғай, Ташкенсаз және Тескенсу ауылдық округтерінің әкімдері сайланған  болатын. Жақында аталған елдімекендердің жаңа сайланған әкімдеріне қызметтік куәлік  табысталды.

Аудан әкімдігінің үлкен мәжіліс залында өткен жиынға аудан әкімі Әлібек Жақанбаев, орынбасарлары, аудандық мәслихат хатшысы Бекет Ахметов, аудандық сайлау комиссиясының төрағасы Бақыт Жексембиев және жаңа сайланған округ әкімдері қатысты. Сайлауком төрағасы  Бақыт Есенханұлы ауылдық округ әкімдерін сайлау нәтижелері туралы учаскелік сайлау комиссияларының хаттамалары негізінде сайлау қорытындысын жария етті. Комиссия төрағасының сөзінше, заңнамалық негізінде өткен сайлауда 9 бұрынғы әкім өз ауылдық округтері бойынша өткен сайлауда жеңіске жетіп, 1 округтің әкімі жаңадан сайланды. Сайланған он әкімнің тоғызы «Nur Otan» партиясы, біреуі «Ауыл» ХДПП-ның мүшелері. Осындай  ақпараттармен бөліскен орталық сайлау комиссиясының төрағасы әкімдерге қызметтік куәліктерін  табыстады.

Ел бастаған еріне ақ жол тілеу – ата дәстүріміз екені аян. Сол бір сара салтымыз негізінде аудандық ардагерлер кеңесінің төрағасы Тілеулес Ұзақов жаңа сайланған әкімдерге ақ бата беріп, олардың қызметіне толағай табыс тіледі. Жиналысты қортындылаған аудан әкімі Әлібек Жақанбаев бұл жолғы  халық дауыс берген округ әкімдері сайлауының өте маңызды қадам екендігін, ауылдың әлеуметтік-экономикалық жағдайын жақсартпай, тұтастай ел экономикасын көтеру қиындығын, онда қордаланып қалған мәселелер аз емес екендігін тіліне тиек етті. Аудан  басшысы соңғы кезде жиі көтеріліп жүрген жайылым, шабындық жерлер мен сапалы ауызсу, жол, медицина саласындағы маман тапшылығы, ауыл мәдениеті мен спортын дамыту мәселелері жаңа сайланған әкімдердің назарында болу керектігін айтты.

–  Әкім, ең әуелі тұрғындардың көңілінен шығу керек. Барлығын дұрыстап түсіндірсе, халық әкімге сенім артады. Бізде кей округ әкімдері жұртшылықпен жүре  сөйлесіп, олардың мұң-мұқтажына көңіл бөлмейді. Бұл мәселеге селқос қарауға болмайды. Әкім қашанда халық пен билік арасындағы дәнекер болуы қажет. Ол әрдайым көптің көкейіндегі өзекті мәселелерді шешуге тер төгуі тиіс. Осы кезекте сайланған әкімдер «Халық үніне құлақ асатын мемлекет» тұжырымдамасы негізінде жұмыс атқаратын болады. Сол себепті сіздерге жаңа міндеттер  жүктеліп, заман сұранысына сай өзгеше талаптар  қойылады. Сіздерді елге адал қымет етіп, көптің сенімінен шығады деп сенеміз, –  деді аудан әкімі.

Ерзат АСЫЛ

Оқылды 261 рет

Соңғы жаңалықтар

Қырқ 23, 2021

Денсаулық – зор байлық

«Асқан байлық не керек, денсаулығың болмаса» деген ойдың мағынасына мән берсек,…
Қырқ 23, 2021

Партиялық бақылауда

Өткен аптада Еңбекшіқазақ ауданына Nur Otan партиясы Алматы облыстық мәслихат депутаты,…
Қырқ 23, 2021

Есик – время больших перемен

В Послании «Единство народа и системные реформы – прочная основа процветания страны»…
Қырқ 23, 2021

Тұралап тұрған туризмді тірілтсек

Еңбекшіқазақ ауданының табиғаты таңғажайып, тарихы да тереңнен тамыр алады. Мұндағы…
Қырқ 22, 2021

Жүзуден турнир өтті

Талдықорған қаласының облыс орталығы боп көшірілгеніне 20 жыл толуына орай, шаһарда…
Қырқ 22, 2021

Алар асу көп

Қарамағына Қызылшарық, Асысаға, Жаңашаруа, Қайрат, Диқан, Таусүгір, Сарытау сынды елді…
Қырқ 22, 2021

Білімді ұрпақ – жарқын болашақ кепілі

Шариғат тілінде «білім» сөзі – бір мәселені жан-жақты, анық-қанығына дейін жіті түсіну…
Қырқ 22, 2021

Алматы облысының орталығында «Аяулы…

Жетісудың бас шаһары Талдықорған қаласының облыс орталығы мәртебесін алғанына 20 жыл…
Қырқ 22, 2021

Сады — по интенсивным технологиям

Зона предгорья Заилийского Алатау на высоте 700-800 метров над уровнем моря как нельзя…

Күнтiзбе

« Қыркүйек 2021 »
Дс Сс Ср Бс Жм Сб. Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет