Жақсылық жасап жарысқан
Жақынды, досты аяла,
Қанатың сонда талмайды.
Барыңды жұрттан аяма,
«Жақсылық жерде қалмайды» демекші, балалардың жанашыр қамқоршысы болып, аялы алақанын тосып, жүрек жылуын ұсыну, сауабы мол іске атсалысу – әрбір адамның азаматтық парызы. Жомарттық – жанның байлығы. Мұндай қасиетке ие болған кісі жақсылық жасауды көңілі қалап, көпшілікке қолұшын беруге дайын тұрады.
Қазіргі қоғамдағы қайырымды жандардың істері көмек-ке мұқтаж жүректерге үміт отын ұялатады. Осындай қайырымды істерімен оқуға құштар балаларға қол ұшын созған ҚР ІІМ көліктегі полиция департаменті Алматы қаласы әуежайындағы желілік полиция бөлімі және ҚР ІІМ Алматы қаласы ПД екінші арнайы бөлім басшысының міндетін атқарушы полиция подполковнигі Нұрлан Жексенов «Мектепке жол» акциясында белсенділік танытып, көпшіліктің алғысын арқалады. Акция барысында «Ы.Алтынсарин атындағы орта мектеп-мектеп жанындағы интернатымен және Қызылқазақ бастауыш мектебі» коммуналдық мемлекеттік мекемесіндегі 15 оқушыны мектепке қажетті құрал-жабдықтармен қамтамасыз етті. Ұстаздар мен ата-аналар қауымы жомарт жанға алғысын білдірді.
Н.КИСТАУОВА,
математика пәнінің мұғалімі.
*** *** ***
«NurOtan» партиясының «30 игі іс» жобасы және республикалық «Мектепке жол» акциясы аясында аудандық мәслихат депутаттары мектеп оқушыларына сыйлық жасап, жаңа оқу жылында сәттілік тіледі.
Аудандық мәслихат депутаты Мира Қонысбае-ваның ұйымдастыруымен ұстаздар қауымы және кәсіпкерлердің демеушілігімен Саймасай ауылын-дағы аз қамтылған және көпбалалы отбасынан шыққан 32 оқушыға мектеп формалары мен қажетті құрал-жабдықтар табысталды.
Аудандық мәслихат депутаты Бекболат Алтаевтың ұйымдастыруымен Шелек орман шаруашылығының ұжымы Шелек ауылындағы Ы.Алтынсарин атындағы орта мектептің оқушысын киім-кешекпен, оқу құралдарымен толық қамта-масыз етті.
«Nur Otan» партиясы аудандық филиалы төрағасының бірінші орынбасары Қуат Байғоджаев аталған қайырымдылық акциялары алдағы уақытта да жалғасын табатынын айтты.
С.НҰРАДИН.
*** *** ***
Жаңа оқу жылы қарсаңында аз қамтылған отбасыларды қолдау әрқашан басты назарда.
Қазақстан Республикасы Тәуелсіздігінің 30 жылдығы және Конституция күніне орай «Мектепке жол» акциясы аясында Қырбалтабай ауылдық округі әкімі аппаратының ұйымдастыруымен «Агро Балтабай» ЖШС-нің өкілдері демеушілік жасап, 20 оқушыға мектеп сөмкелері мен оқу құралдарын тапсырды.
Қырбалтабай ауылы жанындағы мал шаруа-шылығын дамыту бағытында жұмыс бастап отыр-ған мекенің ұжымына ата-аналар, оқушылар алғыс білдірді.
Д.ЕЛІКБАЕВА,
жастар ісі жөніндегіәдіскер-нұсқаушы.
