Бейсенбі, 14 Қазан 2021 12:07

Құрылыс жұмыстары қарқынды жүргізілуде

Жуырда аудан әкімі Әлібек Жақанбаев Шелек өңірі мен Есік қаласындағы құрылыс жұмыстары жүргізіліп жатқан бірқатар нысандарды аралап қайтты. Құрылыстың қай-қайсысы болса да сапалы әрі уақытылы атқарылуы керектігін айтып, ескертулер жасады.

Ең әуелі аудан әкім Шелек ауылында салынып жатқан 60 пәтерлі тұрғын үйге барды. Мердігер мекеме «Асан М-Компани» ЖШС-і тұрғын үй құрылысын ақпан айында бастағанымен, түрлі қаржылық қиындықтар мен материалдардың тапшылығы жұмыстың қарқынды жүруіне тұсау салған көрінеді. Қазір аталған 60 пәтерлі тұрғын үйдің іргетасы мен жертөле қабырғаларының жұмыстары аяқталған. Бүгін ондағы құрылыс жұмыстары тұралап қалған көрінеді. Сол себепті  Әлібек Әскербекұлы Шелек ауылдық округінің әкімі Сәкен Абдыхалиевке тұрғын үй құрылысын қадағалауды тапсырды. Ал  «МОНОЛИТ» ЖШС-і мердігер болған Шымболатов атындағы саябақ пен округ әкімдігі ғимаратының  айналасын  абаттандыру жұмыстары ойдағыдай жүргізілуде. Аталған құрылыстар желтоқсан айына дейін толығымен аяқталады деп күтілуде.

Бүгінде аудан орталығын абаттандырумен бірге бірқатар инфрақұрылымдық жобалар қолға алынған. Әлібек Әскербекұлы аудан орталығының тыныс-тіршілігіне өзгеше өң беру үшін жасалып жатқан игі істердің аяқ алысын бақылау мақсатында Есік қаласындағы жаңа құрылыс нысандарына ат басын бұрды. Аудан басшысы қаланың төменгі жағындағы 8 метрлік көше сағатының құрылыс барысымен танысты. Бюджеттен 8 миллион теңге бөлінген жобаның басым бөлігі еңсерілген. Жобаға сай көше сағатының маңы абаттандырылады. Мердігер мекеме өкілдерінің сөзіне қарағанда, қарашаның соңына қарай жұмыс толығымен аяқталмақ.

Келесі қадамда аудан әкімі үшінші ықшам ауданды абаттандыру жұмысымен танысты.

Бюджеттен 100 миллион теңге қаржы қарастырылған бұл жобаның мердігерлері «SMK SHEBER» ЖШС-і мен  «Хадид» ЖШС. Аталған ықшам ауданды абаттандыру жұмысы аясында М.Ысқақ көшесіне асфальт төселіп, жаяу жүргіншілерге арнайы жол салынбақ. Жол жиегіндегі үйлердің маңына шағын ойын алаңдары бой көтеріп, автотұрақтар да назардан тыс қалмайды. Сонымен қоса, аталған көшеге шамдар орнатылады.

Алтын адамның ата мекені болған Есік қаласында тарихымыздан сыр шертіп, Тәуелсіздігімізді тәу ететін еңселі  ескерт-кіштердің бой көтеруі көп көңілін шаттандырса керек. Ел Тәуелсіздігінің 30 жылдығына орай қазақ мемлекетінің іргетасын қалаған Керей мен Жәнібек хандарға арналған  тұғыры биік ескерткіш қала орталығынан бой көтермек. Бюджеттен 69 миллион теңге қаржы  жұмсалған ескерткіш пен саябақ құрылысына жауапты «А.С. Sapa Kurylys» ЖШС-і өкілдері жыл соңына дейін жобаны тас-түйін  дайын етеміз дейді. Аталған жоба аясында ескерткіш маңындағы  саябаққа гранит тастар төселіп, көшеттер отырғызылады. Айнала толық түрлі-түсті шамдармен безендіріліп, субұрқақ орнатылып, аумақ абаттандырылады. Аудан басшысы Әлібек Жақанбаев жаңадан салынған және күрделі жөндеуден өтіп жатқан нысандарды аралау барысында атқарылған құрылыс жұмыстарын саралап, әкімдер мен сала басшыларына және мердігер мекеме басшыларына нақты тапсырмалар берді.

 

Е.АСЫЛ.

Оқылды 309 рет
Осы категориядағы басқа материалдар: « Еңбекшіқазақ-2022 Айтып келмес апатпен күресу оңай емес »

Соңғы жаңалықтар

Қаз 25, 2021

Урожай — в закромах и хранилищах

Вот и середина осени…К концу подходит уборка урожая нынешнего года. Заготовлено 473…
Қаз 25, 2021

Ауылдар мәселесі депутаттар назарында

Ауданымыз тұрақтылық пен тыныштықтың, татулық пен бірліктің арқасында дәйекті түрде…
Қаз 25, 2021

Өнімді еселеп, өндірісті ұлғайту…

Ауыл шаруашылығы аудан экономикасының басты бағыты саналады. Бұл салада жоғары…
Қаз 25, 2021

Украинада ұлы ақын Абайға ескерткіш…

Украинаның Харьков қаласында ұлы ақын Абайдың ескерткіші қойылды. Бұл туралы Қазақстанның…
Қаз 25, 2021

22 жастағы қазақ жігіті АҚШ-та алып…

Алматы облысынан шыққан Дәурен Сәбитов небәрі 22 жасында Американың ең алып…
Қаз 21, 2021

Елімізде газет-журналдарға жазылу…

Мәдениетіміз бен ұлттық құндылықтарымызды танытуда баспасөздің үлесі мол. БАҚ қызметі…
Қаз 21, 2021

Зиялы қауымның қолынан не келеді?

Қазақстан Республикасы Президенті Қ.Тоқаев 2021 жылғы 1 қыркүйектегі Қазақстан халқына…
Қаз 21, 2021

«Өлеңге әркімнің-ақ бар таласы»

Қазақтың ұлы Абайы: «Туғанда дүние есігін ашады өлең, Өлеңмен жер қойнына кірер денең...»…
Қаз 21, 2021

COVID-19: Аудандағы ахуал

Бір аптада (13.10 – 19.10.2021 аралығында) Еңбекшіқазақ ауданында ПТР сынама арқылы 100…

Күнтiзбе

« Қазан 2021 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет