Забира Қошқарбайқызы Қожабекова Шелек пошта байланысы торабының Ащыбұлақ бөлімшесінде тура қырық жыл бойы істеп келе жатыр десе болады. Еңбек жолын Алматы қаласында 1984 жылы бастаған Забира Қошқарбайқызының Ащыбұлақ тұрғындарына көрсететін қызметі сан салалы.
Күре жолдан шеткері ауыл тұрғындарына хат-хабар, поштамен жіберілетін сәлемдеме (посылка) қабылдау, жөнелтуден басқа зейнетақы тарату, салық, несие төлемдері дегендей көптеген қаржылық операцияларды мұқият және жедел орындауда. Соның бір айғағы – бөлімше офисінде ілулі тұрған электр энергиясымен қамтитын кәсіпорынның Забира Қожабековаға тапсырған алғыс хаты. Бұл бағыттағы төлемдер де осы пошта бөлімшесі арқылы уақытылы және еш кедергісіз өтіп тұрады деген сөз.
Шелек пошта торабының басшылығы Забира Қошқарбайқызының баспасөзге жазылу науқанында ақпарат құралдарын таратуға белсенді жұмыс атқаратынын ерекше атайды. Пошта қызметінің жетекшілерінің сөзін «Еңбекшіқазақ» газетінің редакциясы да қолдайды.
Қ.ҚАСЫМҰЛЫ.
