Аудан  әкімі  Әлібек Жақанбаевтың төрағалығымен өткен жиында өңірдің биылғы қаңтар-қыркүйек айлары аралығындағы әлеуметтік–экономикалық дамуының қорытындылары  қаралды. Шара барысында аудан әкімінің орынбасары А.Досумбаев   баяндама  жасады.

Т.Молдағалиев атындағы мәдениет үйінде өткен жиналысқа аудан әкімінің орынбасарлары, бөлім басшылары мен округ әкімдері және мемлекеттік қызметкерлер қатысты. Ең әуелі Алтай Досумбаев өңірдің  әлеуметтік-экономикалық дамуындағы негізгі бағыттарға тоқталып, атқарылған істер мен нақты көрсеткіштерді баяндады.

– Тоғыз айдың қорытындысы бойынша негізгі әлеуметтік-экономикалық көрсеткіштер бойынша оң динамика байқалады. Мәселен, ауыл шаруашылығының жалпы өнім көлемі 117 млрд 34 млн теңгені құрап, нақты көлем индексі 101,7 пайызға артты», –  деді А.Досумбаев 

Құрылыстың жүргізілуі 101,4 пайызға жетіп, тұрақты әрі жоғары қарқынды өсім қамтамасыз етілген, соның ішінде 40,4 мың шаршы метр  тұрғын үй пайдалануға  берілді. Өңірдің  әлеуметтік-экономикалық дамуының жалпы жағдайымен танысқан аудан әкімі Есік қаласы мен округ  әкімдеріне экономиканың барлық салаларына инвес-тиция тартуға ерекше назар аударуды тапсырды.

Аудан әкімі орынбасарының баяндамасынан кейін  білім бөлімінің басшысы Б.Аманова мен  тұрғын үй коммуналдық-шаруашылық және тұрғын үй инспекциясы бөлімінің басшысы А.Ансатбаев атқарылған жұмыстар бойынша есеп берді. Білім бөлімі басшысының сөзінше, бүгінде  аудан бойынша 84 мемлекеттік мектеп бар, оның 65-і типтік, ал 19 бейімделген ғимаратта орналасқан. Бұл саладағы өзекті мәселенің бірі – үш ауысымдық мектептер санының жылдан жылға өсуі. Бұл ретте, аудан әкімі білім бөлімінің басшысына, мүкіндігі шектеулі балаларды оқыту, балабақшамен қамту, маман тапшылығын шешу бойынша нақты тапсырмалар берді. Тұрғын үй коммуналдық-шаруашылық және тұрғын үй инспекциясы бөліміне де қаражатты мақсатты игеріп, су және кәріз жүйелерін жаңғырту жұмыстарының уақытылы, сапалы орындалуын қадағалауды тапсырды. Сонымен қатар, суару жүйелерін теңгерімге алып, күтіп ұстауға қатысты жұмыстардың жүргізілуін қамтамасыз ету және газдандыруды  тездету туралы міндеттер жүктеді. Бұдан өзге өңір басшысы эпидемиологиялық жағдайды, COVID-19-ға қарсы екпе алу барысын бақылауда ұстау, қоғамдық тәртіпті сақтау, көпқабатты үйлерді газандыру, салық түсімін молайту, қысқы жылту  мен тазалық  жұмыстарын  жүйелі жүргізу қажеттігін айтты.

Жиын соңынан аудан  әкімінің бірінші орынбасары Айбек Бидаев қоғамдық қабылдау өткізіп, аудан тұрғындарын мазалап жүрген мәселелер мен сауалдарға жа-уап берді. Қабылдауға «Nur Otan» партиясы аудандық  филиалы төрағасының бірінші орынбасары Қуат Байғоджаев, аудан әкімінің орынбасары Бауыржан Бименов, аудан әкімі аппаратының жетекшісі  Мақат Мемельбеков пен қала, округ әкімдері, бөлім басшылары қатысып, бірқатар мәселелер талқыланды.Тұрғындар тарапынан тұрғын үй құрылысы үшін жер учаскесін беру, ауызсу, кезекпен үй беру, тұрақты жұмыспен қамту, қандастардың азаматтық алуы, саяжайлардағы санитарлық тазалық   мәселелері қозғалды. Айбек Дүйсембекұлы қабылдауға келген тұрғындардың мәселелері бойынша тапсырмалар беріп, шешу жолдарын қарастыратынын жеткізді.

Е.АСЫЛ.