Сейсенбі, 16 Қараша 2021 13:17

Тәуелсіздік тарихынан тағлым берер саяхат

"Жалпақ жұртыңды, иісі алашыңды құрметтеу – алдымен өзің тұрған өлкенің тарихын, табиғатын танудан, адамдарын ардақтаудан басталады".

                 Нұрсұлтан НАЗАРБАЕВ.

Ұлт бірлігі – ұлы байлық. Ұлттық дамуда мызғымас ұлт бірлігі аса маңызды.Рухани дүниелер арқылы қоғамға үлкен маңыз берген бастама – ұлттық рухани құндылықтарымызды ұлықтауға бағытталған.Ұлттық рухымызды көтеру үшін, әлбетте, төл тарихымызды тәрбиенің түп қазығы ұлттық құндылықтарымызды дәріптеу қажет. Келешек ұрпақты адамгершілікке тәрбиелеу – бұл тек тарихи-мәдени мұрадан хабардар етіп қана қоймай, сонымен қатар болашақта қоғамның тұтқасы болар білімді, тәрбиелі, мәдениетті азаматты қалыптастырады. Әрбір мемлекет рухы таза, санасы биік, білімді де білікті ұрпағынан қуат алады. Ол өзінің әрбір жаңа буын жас ұрпағы жетілген сайын дамудың жаңа биіктеріне көтеріледі. Ал бүгінгі қоғам алдында тұрған ең жауапты міндет – еңселі еліміздің кірпіші болып қаланатын әрбір қоғам мүшесін, яғни жас ұрпақты адамгершілік қасиетке тәрбиелеу, тиянақты білім беру болса, бұл жауапты міндетте ұстаздар қауымы зор еңбек атқаруда. Адам бойында рухани-адамгершілік құндылықтар болмаса, олардың орнын ешқандай терең білім толтыра алмайтынын өмірдің өзі дәлелдеуде. Тарихымызды тереңірек танып білу, өткенімізді дәріптеу мақсатында аудандық кәсіподақтың ұйымдастыруымен тәуелсіз Қазақстанның сакралды орындарының бірі саналатын киелі Түркістан өңіріне танымдық экскурсия жүргізілді. Түбі бір түркіні біріктіру ұлы мақсат болса, оның бастауы – Түркістан. Елбасының шешімімен облыс орталығына айналған киелі Түркістан ер түріктің бесігі тарихи маңызы арта берер өлке болмақ. Түрленген, жасарған өлке қуатты экономикамыздың потенциалын айғақтайтын, әлі талай бастауды ер-кін бағындырар өлке екені сөзсіз.Руханият шамшырағы саналатын киелі Түркістанға танымдық экскурсияға аудан мектептерінің кәсіподақ мүшелерінен 100 адамнан құралған топ барып келді. Танымдық экскурсия барысында Арыстанбаб кесенесіне, Қожа Ахмет Яссауи мавзолейіне, келбеті керемет сәні мен салтанаты ерекше салтанат құрған Керуен сарайға саяхат жасалып, ұстаздар қауымы саяхаттан үлкен рухани азық алып қайтты. Қайтар жолда киелі Айша бибі мавзолейі мен Баба хатун мавзолейіне саяхат жасады. Тәуелсіздіктің  30 жылдығына орай ұйымдастырылған бұл танымдық экскурсия көне тарихи құндылықтарды терең біліп, зерделеуде, ұлттық құндылықтарымызды дәріптеуде алар тағлымы мол саяхат болды. «Барлық ұлылық тарихқа оралудан басталады» демекші, қазақтың қазақтығын іздесең, Түркістанды айналып өту мүмкін емес.Тарихтың қай кезеңінде де елдігіміз бен руханиятымыздың алтын тірегі осы бір Тұранның киелі атырабынан басталары сөзсіз. «Киесінен киік үркіп сүрінген»  деген сөз бар қазақта. Ол осы даланың топырағына берген баға болса керек.Бабаларымыздан калған аманатты келер толқынға сол таза, құнды, бағалы түрде жеткізуіміз керек деп есептеймін.                                                                                                                                      Осы орайда аудан мектептері кәсіподақ төрайымдары атынан осындай керемет экскурсияны ұйымдастырушы аудандық кәсіподақ ұйымының төрағасы Надырбаев Серік Дүйсебайұлына зор алғысымызды білдіреміз. Осы экскурсияны ұйымдастыруда ұйытқы болған Гүлнұр Абілқызына, Толқын Нұрмұқашқызына да көп рақмет айтамыз.                                                                                                                                 

«Өткеніңді ұмытсаң – өшкеніңнің белгісі»  дейді дана қазақ. Ауыздан-ауызға, ұрпағына жаттатып берген көптеген құнды дүниелер қазіргі ұрпаққа жеткен. Тарихи жәдігерлерді қаз-қалпында сақтап, тек өзіміздің еліміздегі халыққа ғана емес, шетелден келген демалушыларға, қызығушыларға жағдай жасалып, әлемдік мәдени аренаға шығарып, тарихын, әңгіме-аңыздарын түсінікті етіп жеткізу маңызды мақсаттардың бірі болып тұрған кезеңде осындай саяхаттар алдағы уақытта да ұйымдастырылмақ.

 

Жанатгүл БУТИМБАЕВА,

Алматы облысы балалар мен жасөспірімдердің спорттық   туризм және экскурсия орталығының кәсіподақ ұйымының төрайымы.

Оқылды 369 рет
Осы категориядағы басқа материалдар: « Тәуелсіздіктің іргетасы COVID-19: Аудандағы ахуал »

Соңғы жаңалықтар

Желт 08, 2021

Бас құндылығымыз – Тәуелсіздік

ҚР Тұңғыш Президенті Нұрсұлтан Әбішұлы Назарбаев «Тәуелсіздік тағылымы» атты мақаласын…
Желт 08, 2021

Алтын адамның атамекені

Қазақ қоғамында ықылым заманнан бабалар мұрасын, салт-санасын, әдеби туындылары мен…
Желт 08, 2021

Көрме өтті

А.Байтұрсынов атындағы орта мектептің мәжіліс залында «Мәңгілік Ел» ассоциациясының…
Желт 08, 2021

Арман АБИЛЬДАЕВ: Собачья жизнь – в…

«Собака бывает кусачей только от жизни собачьей» – эта трогательная песенка вполне…
Желт 08, 2021

Бақытын тапқан еңбектен

ҰСТАЗДАР КҮНІ ЖАҚЫНДАҒАН САЙЫН ТҰЛА БОЙЫН ШАТТЫҚ КЕРНЕП, ҚУАНЫШТЫ СЕЗІМГЕ БӨЛЕНІП, НЕГЕ…
Желт 07, 2021

Книга вместо интернета!

Сегодня интернет заполнил и заменил собой все интеллектуальное поле. Но книга всегда была…
Желт 07, 2021

Жас ақындар мүшайрасы

Көктөбе орта мектебінде «Алаштану, тәуелсіздік және поэзия» атты аймақтық жас ақындар…
Желт 07, 2021

Ғалымдар бас қосты

Жақында «Есік» мемлекеттік тарихи-мәдени музей-қорығында Қазақстан Республикасы…
Желт 07, 2021

Еске алу турнирі өтті

Ақши ауылдық округіндегі Бөлек батыр атындығы орта мектепте волейболдан спорт ардагері…

Күнтiзбе

« Желтоқсан 2021 »
Дс Сс Ср Бс Жм Сб. Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет