Ардақты ақ жаулықты аналар, аяулы арулар!

Сіздерді 8 наурыз – Халықаралық әйелдер күні мерекесімен шын жүректен құттықтаймын!

Ана – тіршіліктің тірегі, отбасының берекесі, бүкіл адамзаттың тәрбиешісі, жақсылықтың бастауы.

Ел тарихының қай кезеңінде болсын, батыр аналарымыз асқан ерлігі мен өнегелі істерінің арқасында бірлік, тұрақтылық, өркендеу сияқты арқаулы құндылықтар қалыптастыра білген.

Тәуелсіз еліміздегі бейбіт тірліктің, мызғымас бірліктің, жарқын болашаққа деген сенімнің, ізгілік пен мейірімділіктің ұйытқысы да аналар қауымы!

Әлемдегі барлық жақсылық, жылылық пен ұлылық ең әуелі отбасынан басталып, одан әрі ұжым, орта, қоғамға тарайды десек, соның бәрінің ұйытқысы – ана екені шындық. Сондықтан да аналарға деген құрмет шексіз бола бермек. Себебі, адамзаттағы ізгіліктің барлығы ананың атымен байланысты.

Құрметті ханымдар!

Әйелдің жүрегі – әлемнің тірегі, көктемнің гүліндей құлпырып, әсемдіктің, әдептіліктің иесі болып, бақытты да баянды өмір кешіңіздер.

 Осы ерекше қасиеттеріңіз мәңгілік салтанат құрып, елімізге ырыс-құт дарысын. Сіздердің қолдауларыңыз баршамызға сенімділік ұялатып, жігер береді. Ана қуанышы, әйел қуанышы – әр үйдің, отбасының, Отанның мерейі.

Баршаңызға зор денсаулық, баянды бақыт, отбасыларыңызға амандық, игілік, қуаныш тілеймін. Бүгінгі мереке махаббаттың нәзік үнімен жалғасып, пәк сезім серпілісімен ұштаса берсін!