Жуырда аудандық мәслихаттың тұрақты комиссияларының бірлескен отырысы өтті. Отырыстың күн тәртібі бойынша аудандық кәсіпкерлік және ауыл шаруашылығы бөлімі, жолаушылар көлігі және автомобиль жолдары бөлімі, тұрғын үй-коммуналдық шаруашылық және тұрғын үй инспекциясы бөлімі басшыларының есептері қаралып, бірқатар мәселелер талқыланды.
Бөлім басшыларына көктемгі дала жұмыстарына дайындық, суармалы сумен қамтамасыз ету мәселелері мен аудан аумағында туризмді дамыту, агроөнеркәсіптік саланы субсидиялау, мемлекеттік бағдарламаларды іске асыру бойынша депутаттар өздерінің сауалдарын қойды. Биылғы жылы қар желтоқсан айынының ортасында жауса да, жауапты бөлім қыс маусымына мүлде дайындық жұмыстарын жүргізбегендігін, қала тұрғындары көшелерді қардан тазарту жұмыстарына наразы болғанын айтты. Сонымен қатар, бүгінгі күннің ең негізгі мәселесі – шұрық-тесік жолдардың жайы да назардан тыс қалмады.
Ауыз су, кәріз жүйелерінің бүгінгі жағдайы, электр қуатын көтере алмайтын трансформаторлар мен ескірген электр бағаналары, ауылдардың күрмеуі шешілмеген проблемалары халық қалаулылары тарапынан көтеріліп, жұмыс барысындағы орын алған кемшіліктер бойынша наразылықтарын айтты.
Күн тәртібіндегі мәселелер толығымен қаралып, депутаттар тарапынан қойылған сұрақ-ұсыныстарға бөлім басшылары жауаптарын берді. Қарастырылған мәселелерді талқылай келе, тұрақты комиссиялардың бірлескен отырысы «Қазақстан Республикасындағы жергілікті мемле-кеттік басқару және өзін-өзі басқару туралы» Заңының 15-бабына сәйкес, хаттамалық қаулы қабылдады.
Комиссия отырысынан кейін аудандық мәслихаттың кезектен тыс ХVII сессиясының отырысы өтіп, күн тәртібінде мәслихаттың тұрақты комиссияларының бірлескен отырысында алдын ала талқыланып барып енгізілген сұрақтар қарастырылды. Сессия отырысына мәслихат төрағасы Бекет Төлегенұлы мен мәслихат депутаттары бөлім басшылары, бұқаралық ақпарат құралда-рының өкілдері қатысты.
Күн тәртібінде Еңбекшіқазақ ауданының әкімшілік-аумақтық бірлікті басқару схемасын бекіту туралы, Еңбекшіқазақ ауданы әкімдігінің жанындағы тұрғын үй мәселелері бойынша комиссияның жұмысының ашықтығын қамтамасыз ету, мемлекеттік тұрғын үй қорынан тұрғын үй беру бағытындағы қабылданған шаралар және берілген пәтерлердің нысаналы пайдалануының ағымдағы жағдайы туралы аудандық тұрғын үй-коммуналдық шаруа-шылық және тұрғын үй инспекциясы бөлімі басшысының есебі, Еңбекшіқазақ ауданының тұрғындарына көліктік қыз-мет көрсету және жолдарды жөндеу, күтіп ұстау, жол инфрақұрылымын дамыту жөніндегі шаралар кешенін іске асыру туралы аудандық жолаушылар көлігі және автомобиль жолдары бөлімі басшысының есебі, көктемгі дала жұмыстарына дайындық, суармалы сумен қамтамасыз ету мәселелері мен аудан аумағында туризмді дамыту, кәсіпкерлікті қолдау және агроөнеркәсіптік саланы субсидиялау, мемлекеттік бағдарламаларды іске асыру туралы аудандық кәсіпкерлік және ауыл шаруашылығы бөлімі басшысының есебі, кәмелетке толмағандардың істері және олардың құқықтарын қорғау мәселелері бойынша аудан аумағындағы ахуал және осы бағыттағы Еңбекшіқазақ ауданы әкімдігі жанындағы ведомствоаралық комиссия мен құзырлы органдардың атқарған жұмыстары туралы есептері қаралды.
Аталған мәселелер бойынша тұрақты комиссия отырысында баяндалып, жан-жақты талқыланғандықтан, депутаттар тарапынан сессияда бірауыздан қабылданды, күн тәртібінде қаралған мәселелер бойынша тиісті шешімдер шығарылды.
Жиынның соңында мәслихат төрағасы Бекет Ахметов әйелдер қауымын төл мерекемен құттықтап, жылы лебізін білдірді.
– Қазіргі қоғамымызда нәзік жандылар тек отбасы-ның береке-бірлігін ойлап қана қоймайды, мемлекетіміз-дің өркендеуіне және сая-си-әлеуметтік, мәдени мәселелеріне белсене араласып келеді. Бүгінгі күнде әйелдер қауымы әр салада қызмет атқарады, медицина мен педагогика, мәдениет пен спорт, бизнес, қарулы күштер. Сіздер жан-жағына шуақ шашып, айналаны нұрға бөлеп, әлемді нұрландырасыздар. Осы сәтті пайдалана отырып, егемен елімізді одан әрі көркейту, оның әл-ауқатын жақсарту жолындағы жұмыстарыңызға табыс, дендеріңізге саулық тілеймін», – деп аудандық мәслихаттың депутаттарына, аудандық мәслихат аппаратының мамандарына, сонымен қатар бірқатар сала өкілдеріне Алғыс хаттар мен гүл шоқтарын табыстап, мерекелік сыйлықтарын тарту етті.
Өз тілшіміз.
