Құрметті Малыбай  ауылдық округінің сайлаушылары!

Мен, Бектасов Мәди Мәдиярұлы 1982 жылдың 7 мамырында Еңбекшіқазақ ауданы Шелек ауылында дүниеге келдім. 1988-1999 жылдар арасында М.Мәметова атындағы орта мектебін бітіріп, 2001-2005 жылдар аралығында Алматы қаласындағы «Дарын» Әлеуметтік гуманитарлық институтын тәмамдап, қазақ тілі мен әдебиеті пәнінің мұғалімі мамандығын алдым.

2005-2007 жылдары аралығында Шелек ауылындағы Т.Кенжебаев атындағы орта мектепте мұғалім, 2007-2008 жылдары М.Мәметова атындағы орта мектепте мұғалім, 2008-2010 жылдары «Малыбай селолық округі әкімінің аппараты» ММ-де жетекші маман, бас маман, 2010-2011 жылдары «Шелек селолық округі әкімінің аппараты» ММ-де жетекші маман, 2011-2013 жылдары Шелек тарихи-өлкетану музейінің директоры, 2013-2014 жылдары «Бартоғай ауылдық округі әкімінің аппараты» ММ-де бас маман болып жұмыс істеп, 2014 жылы Шелек ауылдық округі әкімінің орынбасары болып тағайындалдым. Қазіргі уақытта Шелек ауылдық округі әкімінің орынбасары болып қызмет атақарамын. Алдағы уақытта  ауыл тұрғындарымен бірлесе отырып ауылдың бүгінгі күн тәртібіндегі  мәселелерін шешуге барлық мүмкіндіктерді пайдаланып, жұмыс жасаймын. Мен болашақта ауылымыздың көркеюіне және халықтың әлеуметтік өмірін жақсарту үшін атсалысамын. Маған дауыс беріңіз, жоғарыда баяндалған сайлауалды бағдарламаны жүзеге асыру үшін бар күш-жігерімді саламын!

Мені ауылдық округ əкімі етіп сайласаңыздар, алдағы 4 жылда:

– Қазақстан Республикасының заңдарының, Қазақстан Республикасы Президенті мен Үкіметі актілерінің, орталық және жергілікті мемлекет органдарының нормативтік құқықтық актілерінің орындалуын жүзеге асыру үшін қызмет жасаймын;

– Малыбай ауылдық округінің көркеюіне, халықтың әл-ауқатын көтеру бағытында жұмыс жасап, әлеуметтік мәселелерді үнемі назарда ұстаймын; 

– Ауыл шаруашылық жерлерді (егістік, шабындық, жайылым т.б) ұтымды пайдалануды, иесі бар, игерілмей жатқан жерлермен, бос иесіз жерлерді игеріп айналымға қосуды ұйымдастырамын;

– Егістіктер мен бау-бақшаларға суды үнемдеп суару технологияларын іске асыруды қолға аламын;

– Ауыл тұрғындарының сапалы ауызсумен қамтылуына;

– Ауыл тұрғындарының бағымындағы мал тұқымдарын асылдандыру жұмыстарын жандандыруға;

– Малыбай ауылдық округінің көшелерін жөндеуден өткізу мен көпірлер салуға, түнгі жарықтандыруға;

– Электр желілері мен бағаналарын ауыстыру жұмыстарына;

– Ауылымызды абаттандыру жұмыстарын жандандыруға;

– Малыбай орта мектебін күрделі жөндеуден өткізуге, шағын спорт кешенінің, жергілікті әкімшілік ғимаратының, ветеринарлық және полиция пунктерінің салынуына;

– «Көктерекке» елді мекен мәртебесін алуға;

– Жастардың тұрақты жұмысқа орналасуы мен мемлекеттік бағдарламаға белсенді қатысуын қамтамасыз етуге;

– Жастарға жол ашамыз! Жастар – ел болашағы! Біз халқымыздың бай, рухани адами құндылықтарын өскелең ұрпаққа табыстауымыз керек! Бұл дамып келе жатқан әрбір қоғамның миссиясы! Сол себепті Жастар саясатын қауқарлы жүзеге асыруға;

– Ауыл тұрғындарын еңбекпен қамтудың негізгі бір діңгегі – шағын және орта  кәсіпкерлікті дамытуға және сол арқылы жаңа жұмыс орындарының ашылуына, жұмыссыздықты жоюға атсалысып, кәсіпкерлікті дамытуға;

– Еліміздегі саяси тұрақтылықтың, ұлтаралық және дін аралық келісімнің нығаюына;

– Сыбайлас жемқорлыққа қарсы мәденитті қалыптастыруға;

– Халықтың құқықтық жəне қаржылық сауаттылығын арттыруға;

– Тұрғындардың бұқаралық спортпен айналысуына жағдай жасау мақсатында округ аймағынан жасанды спорт алаңдарын салуға, сонымен қатар спорттық-бұқаралық іс шаралар мен жарыстар өткізуге бар күш-жігерімді жұмсаймын.

Мен əрқашан байланыстамын!            

Тел / WhatsApp: + 7 771 445 09 82

Құрметпен, Бектасов Мәди Мәдиярұлы