«AMANAT» партиясы бір жыл бұрын «Қарызсыз қоғам» жобасын іске қосқан болатын. Жобаның негізгі мақсаты – ауыл тұрғындарының қаржылық сауаттылығын арттыру, банкке проблемалық берешегі бар азаматтарға заң жүзінде көмек көрсету. Аталған жобаның аясында жуырда 6654 әскери бөлімінің қызметкерлерімен кездесу өткізілді. Алматы облысы бойынша ментор, қаржы эксперт Айгүл Жайлыбаева, қаржы эксперт Руслан Шалқаров жобаның мақсатын баяндап, пайдалы кеңестерімен бөлісті.

Өз кезегінде Айгүл Мирасқызы:

– Адам несие рәсімдейтін сәтте не үшін алатынын айқындап, ол ақша немесе тауар қаншалықты қажет екенін ұғынып, болашақта қиналмай төлеуіне сенімді болып және келісімшартпен аса мұқият танысу керек. Өкінішке қарай бүгінгі таңда отандастарымыздың жартысынан көбінің басында несие бар, ал ол несиелердің басым бөлігі аса қажетсіз мақсатта алынғанын байқадық. Табысымен санасып, алды-артын өлшемей несие ала бергеннің кесірінен түрлі қиындыққа тап болып жатқан жандар өте көп. Бұл белең алған аса қауіпті үрдістің бір ғана себебі – жерлестеріміздің қаржылық сауаттылығының төмендігі болып отыр, – дей келе банктердің көпшілік байқап, есептей бермейтін көлемді пайыздарына, азаматтардың қателіктеріне кеңінен тоқталып, келелі кеңестер берілді.

Сондай-ақ мамандар 6654 әскери бөлімінің қызметкер-леріне арнайы теориялық түрде 10 күндік қаржылық сауаттылықты арттыру сабағын үйрететін болды.

Ринат НАРХАНОВ.