Тазалық – саулық кепілі. Осы орайда тазалықты ұран етіп, саулықты насихаттайтын Мемлекет басшысының тікелей тапсырмасымен жүзеге асқан «Таза Қазақстан» экологиялық акциясы ауданымызда қорытындыланды. Жамбыл атындағы жастар саябағында өткен тазалық акциясының жабылу салтанатына аудан әкімі Талғат Байеділов қатысып, игі науқанға белсене қатысқандарға алғыс айтып, марапаттады.
– Баршаңызға белгілі, ағымдағы жылдың 8 сәуірінен бастап Мемлекет басшысының тапсырмасы бойынша елімізде «Таза Қазақстан» экологиялық акциясы бастау алған болатын. Науқан 5 аптаға созылып, әр аптаның өзіндік тақырыбы мен мақсаты болды. Ауданымызда экологиялық акция аясында 8 сәуір мен 11 мамыр аралығында кең көлемде тазалық шаралары жүргізілді. «Таза өлке», «Киелі мекен», «Жасыл аймақ», «Өнегелі ұрпақ», «Мөлдір бұ-лақ» апталықтарында 728 іс-шара өтіп, оған жалпы 40 мыңға жуық адам қатысты. Акция қорытындысы бойынша аудан аумағында 7 320 түп ағаш отырғызылды. Сон-дай-ақ, 187 тарихи-мәдени ескерткіштерді абаттандыру жұмыстары жүргізіліп, 47 400 шаршы метр саябақтар аумағы ретке келтірілді. Бұдан бөлек, 3 500-ден астам жеке үйлердің және 1 151 әлеуметтік нысандардың аумағы тазаланып, Есік қаласы мен ауылдық округтердегі су, өзен бойларында сенбіліктер өтті. Нәтижесінде 3 059 тонна қоқыс шығарылды. Халқымызда «Ауылына қарап, азаматын таны» деген жақсы сөз бар. Міне, біз бірнеше аптадан бері ауданымызды тазартып, бір жеңнен қол, бір жағадан бас шығарып, бірлігімізді дәлелдедік. Таза-лық – тазаланған жерде емес, айналаны таза ұстаған кезде ғана болады, – деп аудан әкімі Талғат Ескендірұлы қатысушыларға ризашылығын білдірді.
Сонымен қатар, аудан басшысы экологиялық акцияны қорытындылап, округтер мен мекемелерді марапаттады. «Ең таза ауылдық округ» номинациясымен Қаратұрық, Саймасай ауылдық округтері мен Есік қаласы марапатталды. «Ең таза ауыл» номинациясына Қ.Ұлтарақов ауылы мен Ақши ауылы лайық деп танылды. «Ең үздік мекеме» номинация-сы «Голд продукт» кәсіпорны мен Шелек политехникалық колледжіне бұйырды. Іле Алатау мемлекеттік ұлттық табиғи паркінің Түрген, Есік филиал-дары «Ең үздік ұжым» атанды.
Сондай-ақ, акцияға атсалысқандарға алғыс білдіріп, естелік сыйлықтар табыстады. Шара соңы концерттік бағдарламаға ұласып, аудан өнерпаздары өнер көрсетті.
Айерке МЕРЕКЕҚЫЗЫ.
