Қазақстанда атом электр станциясын салу бойынша референдум өткізу тақырыбының қоғам талқысына түскеніне бі жыл болды. Осы уақыт ішінде ел халқы жан-жақты ойланып, пікір алмасып, салмаққты шешім қабылдауға дайындалды. Енді 6 қазан күні АЭС салуға қатысты жалпыұлттық референдум өтіп, халық бұл мәселе бойынша таңдау жасайды.

Атом электр станцияларын (АЭС) салу көптеген артықшылықтар ұсынады. Ең алдымен, АЭС – энергияның тұрақты және сенімді көзі.
АЭС-тердің көмір мен газ станцияларына қарағанда қоршаған ортаға зияны аз, себебі парниктік газдар аз бөлінеді. Бұл климаттың өзгеруімен күресуде маңызды рөл атқарады, өйткені АЭС көміртегі шығарылымдарын азайтуға көмектеседі.
Бізде АЭС құрылыс жобасына қатысты әлі де болса екіжақты көзқарас аз емес. Дегенмен соңғы уақытта қолдаушылар қатары көбейіп келеді. Ал сала мамандары, энергетиктер мен ғалымдар АЭС-ті салу елдегі экономиканың дамуы мен әлеуметтік жағдайдың жақсаруына әкелер еді деген пікірді қашаннан бері айтып келеді.
«Күннің жарығы мен жылуы адам баласына қандай қажет болса, АЭС те еліміздің өркениетті елдер қатарына қосылып, электр жарығына тәуелсіз өмір сүруі үшін өте қажет. Ертеңгі күнді бүгін ойлаған дұрыс. Болашақта электр жарығының тапшылық қаупі тұрғанда АЭС салудан бас тартпай, белді бекем буып, ел болып қолдау керекпіз деп ойлаймын.
Себебі қауіпсіздік шаралары мен технологиялар үнемі жетілдіріліп отыратындықтан, қазіргі заманғы АЭС-тер экологиялық таза әрі қауіпсіз қуат көзі бола алады.

Г.Жошыбаева