Жақында Алматы облыстық орталығының «Тіл»  оқу- әдістемелік орталығының  Шелек ауылдық огругі филиалына берген тапсырмасына орай,  осы ауылға қарасты мемлекеттік мекемелердің басшылары мен қызметкерлерінің қатысуымен  «Тілім менің – тірлігімнің айғағы» атты семинар ұйымдастырылды. Өзге ұлт өкілдерінің мемлекеттік тілге деген құрмет сезімін арттыру, тіл мәртебесін көтеру – семинардың басты мақсаты болды.

Қазақтың қайраткер ақыны Сұлтанмахмұт Торайғыров айтпақшы. «Ана тілі – бойдағы қанның, қиылған жанның, толқытқан көңілдің, лүпілдеген жүректің сығындысы. Онда дәм де, мән де болуы керек». Өйткені, Қазақстанның болашағы – қазақ тілінде. Халық өзінің ғасырлар бойы жасаған асыл мұрасы – өте бай, көсіліп сөйлеуге орамды, көркем тілі арқылы өнер-білімді, мәдениетті, қоғамның белсенді азаматы болуды  үйретеді. Алайда, қазақ тілі – тек қазақ халқының ғана емес, Қазақстанда өмір сүретін өзге ұлттар үшін де ортақ тіл. Елімізде тұратын, оны Отаным деп қабылдайтын  өзге ұлттарға да мемлекеттік тілді білу, қастерлеу азаматтық борышы.

Семинарда А. Розыбақиев атындағы мектептің мұғалімі Айнура Масумова «Мемле-кеттік тіл – менің тілім» тақы-рыбы бойынша баяндама жасап, мемлекеттік тіл барша қазақстандықтар үшін ортақ, сөзі шұрайлы, тілі те-геурінді, Абайдай дана ұлы әрлеген, Жамбылдай жарқын ұлы жырлаған қазақ тілі – Қазақстан деген Мәңгілік елдің Мәңгі тілі екенін  өз сөзіне арқау етті. Ал, Гимназияның мұғалімі Паридам Илиева «Тіл – ұлттың жаны», сондай-ақ Ы.Алтынсарин атындағы оқу орнының оқытушысы Салия Кулешова «Тіл – тәрбие бастауы» тақырыбында баяндама оқып, қазақ тілі – осы халықтың ұлттық игілігі болумен қатар, әлемдік тіл білімі зерттеушілерін қызықтырған көне тарихы бар кемел тіл ретінде де танымал екендігіне, сондай-ақ, мемлекеттік тіл сол елдің тыныс тіршілігі, келешек ұрпақты мемлекеттік тілді жетік біліп, қастерлейтін халықтық қазына екендігіне тоқталды.

Семинар соңында облыс-тық орталықтың «тіл» оқу-әдістемелік орталығының Шелектегі филиалының жетек-шісі Балжан Ахметова тіл үйрену туралы жұмысы жайлы тоқталып, жиынды қорытын-дылады.

Анарбек МӨКІШҰЛЫ.