«Сәуле» шаштаразына белгілі қызметін қабылдау үшін бара қалмаймын ба. Ол жердегі қайшы мен ұстара шеберлері Есік қаламыздағы жаңалықтармен өздері ғана бөлісіп қоймай, шаш қырқып, прическа жасауға келген клиенттерін де ақпараттандыруда екен.

– Есік өзенінің үстіндегі мешіттің тұсындағы жаяу жүргін-шілер көпірін ұрлап кетіпті, – дейді шебер шаштаразшының біреуі.

– Көпірді кесіп-бөліп сынық-тар есебінде өткізіп, бір байып қалған екен кім де болса – деп болжап қойды екіншісі.

– Нанбасаңдар көріңдер міне көпірдің үңірейіп орны ғана тұр, – дейді «крутой» айфонын әріп-тестерінің көздеріне тақап – шаш түзеуге  келген қала тұрғыны.

Япырмай күнде таңғы жат-тығуларымды өткізу үшін Есік өзенін бойлап барып мешіт жақ жағалаудағы тренажерлерге барып тұрушы едім, бірақ Алматы көшесіндегі үлкен автожол көпірімен-ақ өтермін деп өзімді-өзім жұбата тұрып көзіммен көрейін ұрлықтың орнын деген оймен келсем өзен арнасында бульдозер, экскаватор дегендей құрылыс техникасы жұмыс істеп жатыр екен. Көпірді шынында да бөлшектеп біріне бірін сүйеп қойған екен селден қорғау мекемесінің қызметкерлері.

Көңілім орнына түсіп, көп жылдар бойы қызметін қабылдап келе жатқан шебер-шаштаразшыма селден қорғаушылар жұмысын аяқтаған соң көпірді орнына қойып қояды деп сүйінші сұрағандай хабарладым.

Өсек деген жата ма, қаламызға тарап үлгеріпті. Міне істің мән-жайын біліп алмай «жаңалықпен» бөлісу деген жарға жығатын жағдайдың бір көрінісі осы.

Х.Қасымұлы.