Құрметті қазыналы қарттар, ардақты ардагерлер!
Сіздерді «1 қазан – Халықаралық қарттар күні» мерекесімен шын жүректен құттықтаймын.
Біз, «Қариясы бар үйдің қазынасы бар» деген аталы сөзді ұрпағының бойына сіңіріп өскен, қариясын қадірлеп, ардагерін ардақтаған текті елдің ұрпағымыз.
Мемлекет басшысының «Қарттарын ардақтай білген елдің рухы үстем, шаңырағы биік», – деген сөзі бар. Сондықтан да қазыналы қарттарымызды ардақтау, оларға құрмет көрсету біз үшін қалыптасқан заңдылық десе де болады.
Бүгінде ауданымызда 483 тыл ардагері және 33106 зейнет жасындағы абзал қарияларымыз бар.
Қазіргі таңда зейнеткерлер мен ардагерлерге жан-жақты қолдау көрсету, үлкенді құрметтеу – мемлекет саясатының басым бағыттарының бірі.
Ардақты аға буын өкілдері!
Осы орайда, мерейлі мереке қарсаңында баршаңызға мықты денсаулық, күш-қуат, отбасыларыңызға бақ-береке тілеймін!
Еліміз еңселі, Тәуелсіздігіміз мәңгі болсын!
