Білім саласының сарапшысы, қоғам белсендісі Нүркен Халықберген қазақ оқушыларына «TikTok» желісіне тосқауыл қоюды көптен бері ұсынып жүр. Бірқатар жантүршігерлік суицидтерден кейін ол ел билігіне және
ата-аналарға қайта жүгінді.
– «TikTok» – шын мәнінде тексерілмеген және деструк-тивті ақпаратты бақылаусыз таратуға арналған платформа. Басқа платформалар-дан айырмашылығы, TikTok алғашқы секундтан-ақ жасөс-пірімдердің назарын аударып, оларды қарапайым, бірақ эмоция тудыратын видеолармен баурап алады. Оның қаупі де осында. Бұл жаман әдеттер мен өзге дүниетаным қалыптастырады – дейді.
Ақпаратты жылдам тұтыну сыни ойлауды қиындатады. Халықаралық зерттеулер TikTok сияқты платформаларды шамадан тыс пайдалану жасөспірімдердің эмоциялық жағдайының нашарлауына әкелетін, мазасыздықты, депрессияны тудырады және тіпті суицидтік ойлардың қа-лыптасуына ықпал ететінін растаған.
«Осы қайғылы оқиғаларға байланысты депутаттар TikTok-ты пайдалануға уақытша мораторий енгізуі қажет. Біз бұл платформаның әсерінен жасөспірім суицидінің көбеюіне көз жұма алмаймыз. Егер мемлекет тарапынан белсенді және шұғыл шаралар қабылданбаса, ата-аналарға жүгінеміз. TikTok-ты балаларыңыздың телефо-нынан өшіріп тастаңыздар. «Ата-ана бақылауы» функциясын іске қосып, үшінші тарап қолданбаларын орнатуды шектеңіз. Бұл тек бақылау мә-селесі емес, бұл – өмір мен өлім мәселесі», – дейді қоғам белсендісі.
