Келесі жексенбі, 6 қазан республикалық
референдум өткізу күні болып жарияланғаны белгілі. Соған орай еліміздің барлық өңір, аймақтарында электр энериясының тапшылығынан шығу мақсатында АЭС салу мәселесі туралы түсіндіру жұмыстары жүргізілуде.
Соған сай 23 қыркүйек күні Есік гуманитарлық экономикалық коледжінде Қазақстан Республикасы Сенатының депутаты Жанболат Жөргенбаев
студенттермен, оқу ұжымымен
кездесу өткізді. Аталған шараға Алматы облыстық мәслихат депутаттары Қияс Ақберген, Болатжан Нұрбеков, аудан әкімінің орынбасары Ертай Нұрмаханов қатысты. Кездесуді аудандық мәслихат төрағасы Бекет Ахметов жүргізді.
Сенатор өз сөзінде АЭС салу мәселесі бойынша халықпен кездесіп, түсінік жұмыстары жүріп жатқанын, бұл мәселені шешу тек халықтың қалауы арқылы жүзеге асатынын айтты. Сондай-ақ, АЭС туралы кеңінен мәлімет беріп, референдумға барша отандастарымызды бір адамдай қатысуға үндеді. Студенттер тарапынан бұл сала бойынша кадр мәселесі қалай шешілетінін және АЭС еліміздің қай аумағында салынатыны туралы сұрақтар қойылды. Сенат депутаты бұл сұрақтардың жауа-бы АЭС салу мәселесі халық тарапынан қолдау табатын болса, яғни референдумның нәтижесінен кейін ғана анықталатынын жеткізді. Алматы облысы мәслихатының депутаты Қияс Жанарбекұлы сөз сөйлеп, саяси сайлауға баса мән беріп, дауыс беруге шақырды. Аталған кездесу Шелек политехникалық колледжінде жалғасын тапты.
Ринат НАРХАНОВ
Анарбек МӨКІШҰЛЫ.
